എറണാകുളം: കിഴക്കമ്പലത്തെ അഥിതി തൊഴിലാളികളുടെ ആക്രമണത്തിൽ പ്രതികരണവുമായി കിറ്റെക്സ് എം ഡി സാബു ജേക്കബ്. നാല്‍പ്പതില്‍ താഴെ തൊഴിലാളികള്‍ മാത്രമാണ് കുറ്റക്കാര്‍. എന്നാല്‍ 155 പേരെയാണ് പോലീസ് പിടിച്ചുകൊണ്ടുപോയതെന്ന് സാബു ജേക്കബ് പറയുന്നു.
Also Read:റാന്നിയിൽ ഒരാളെ കുത്തിക്കൊന്നു, തടയാനെത്തിയ ആൾക്ക് ഗുരുതരം: പ്രതി കസ്റ്റഡിയിൽ
‘നാല്‍പ്പതില്‍ താഴെ തൊഴിലാളികള്‍ മാത്രമാണ് അക്രമസംഭവത്തിന് പിന്നില്‍. എന്നാല്‍ 155 പേരെ പോലീസ് പിടിച്ചുകൊണ്ടുപോയി. എല്ലാവരും കുറ്റക്കാരാണെന്ന് കരുതുന്നില്ല. പോലീസ് വാഹനം തീവെച്ചു നശിപ്പിച്ചയാളെ കിറ്റക്‌സ് കമ്പനി തന്നെയാണ് പിടികൂടി പോലീസിനെ ഏല്‍പിച്ചത്. അന്വേഷണത്തോട് പൂര്‍ണമായി സഹകരിക്കും’ സാബു ജേക്കബ് വ്യക്തമാക്കുന്നു.
അതേസമയം, അക്രമണത്തില്‍ ആകെ അറസ്റ്റിലയവരുടെ എണ്ണം ഇതോടെ 50 ആയി. പ്രതികള്‍ക്കെതിരെ 11 വകുപ്പുകള്‍ ചുമത്തിയിട്ടുണ്ട്. പരിക്കേറ്റ പൊലീസുകാരുടെ മൊഴിയുടെ അടിസ്ഥാനത്തിലാണ് വകുപ്പുകള്‍ ചുമത്തിയത്. പ്രതികളുമായി ഇന്ന് തെളിവെടുപ്പ് നടത്തും.
Post Your Comments