ട്രെ​യി​നി​ൽ നി​ന്ന് തെ​റി​ച്ചു വീ​ണ് യുവാവിന് ദാരുണാന്ത്യം

കൊ​ല്ലം: ട്രെ​യി​നി​ൽ നി​ന്ന് തെ​റി​ച്ചു വീ​ണ് മ​ല​പ്പു​റം സ്വ​ദേ​ശി​യാ​യ യു​വാ​വ് മ​രി​ച്ചു. മ​ല​പ്പു​റം കൊ​ണ്ടോ​ട്ടി വേ​ല​ഞ്ചേ​രി മ​റ​യൂ​ർ പ​ള്ളി​യാ​ടി ഹൗ​സി​ൽ അ​ബ്ബാ​സ് – ന​ഫീ​സ ദ​മ്പ​തി​ക​ളു​ടെ മ​ക​ൻ മു​ഹ​മ്മ​ദ് സ​ബീ​റാ(26)​ണ് മ​രി​ച്ച​ത്.

ശാ​സ്താം​കോ​ട്ട റെ​യി​ൽ​വേ സ്റ്റേ​ഷ​ന് സ​മീ​പം വ്യാ​ഴാ​ഴ്ച രാ​ത്രി ഏ​ഴ​ര​യോ​ടെയാണ് അ​പ​ക​ടം ന​ട​ന്ന​ത്. കൂ​ട്ടു​കാ​ർ​ക്കും സ​ഹോ​ദ​ര​നു​മൊ​പ്പം ഏ​റ​നാ​ട് എ​ക്‌​സ്പ്ര​സി​ൽ കൊ​ല്ല​ത്തേ​ക്ക് വ​രുമ്പോഴാണ് സംഭവം. കൊ​ല്ലം റെ​യി​ൽ​വേ സ്റ്റേ​ഷ​നാ​യോ എ​ന്ന​റി​യാ​ൽ വാ​തി​ക്ക​ൽ വ​ന്നു നോ​ക്കി​യ​പ്പോ​ൾ വാ​തി​ൽ വ​ന്ന​ട​ഞ്ഞ് പു​റ​ത്തേ​ക്ക് തെ​റി​ച്ചു​വീ​ണെ​ന്നാ​ണ് ലഭിക്കുന്ന വി​വ​രം.

Read Also : കേരളത്തിൽ ചുവടുകൾ ശക്തമാക്കാൻ താജ് ഗ്രൂപ്പ് വീണ്ടും എത്തുന്നു, പുതിയ ഹോട്ടലുകളെ കുറിച്ച് കൂടുതൽ അറിയാം

അ​പ​ക​ടത്തിന് പിന്നാലെ യാ​ത്ര​ക്കാ​ർ ട്രെ​യി​ൻ ച​ങ്ങ​ല വ​ലി​ച്ചു നി​ർ​ത്തി​യെ​ങ്കി​ലും മൃ​ത​ദേ​ഹം ക​ണ്ടെ​ത്താ​ൻ ക​ഴി​ഞ്ഞി​ല്ല. തു​ട​ർ​ന്ന്, ശാ​സ്താം​കോ​ട്ട പൊ​ലീ​സി​നെ വി​വ​രം അ​റി​യി​ക്കു​ക​യും തെ​ര​ച്ചി​ൽ ന​ട​ത്തി രാ​ത്രി ഒ​മ്പ​തോ​ടെ മൃ​ത​ദേ​ഹം ക​ണ്ടെ​ത്തുകയുമായിരുന്നു. സ​ഹോ​ദ​ര​ൻ മ​ൻ​സൂ​റും സ​ബീ​റി​നൊ​പ്പ​മു​ണ്ടാ​യി​രു​ന്നു.

പോ​സ്റ്റ്‌​മോ​ർ​ട്ട​ത്തി​ന് ശേ​ഷം മൃ​ത​ദേ​ഹം ബന്ധുക്കൾക്ക് കൈമാറി. തുടർന്ന്, മൃതദേഹം സ്വ​ദേ​ശ​ത്തേ​ക്ക് കൊ​ണ്ടു​പോ​യി. സ​ഹോ​ദ​രി: ജെം​സീ​റ.