തിരുവനന്തപുരം: കേരളത്തിലെ ന്യൂനപക്ഷ വിഭാഗങ്ങളുടെ അവകാശം സംരക്ഷിക്കുമെന്ന് നിയമസഭാ സ്പീക്കർ എം ബി രാജേഷ്. ന്യൂനപക്ഷങ്ങളെ അപരവല്‍ക്കരിക്കാനുള്ള ശ്രമങ്ങള്‍ ആശങ്ക സൃഷ്ടിക്കുന്നുവെന്നും അവരുടെ അവകാശങ്ങള്‍ നേടിയെടുക്കുന്നതിലൂടെ മാത്രമേ ജനാധിപത്യം പൂര്‍ണമാകൂയെന്നും സ്പീക്കര്‍ പറഞ്ഞു.
‘ഒരു ഭാഗത്ത് നിയമം മൂലം ന്യൂനപക്ഷ അവകാശങ്ങള്‍ സംരക്ഷിക്കപ്പെടുമ്പോള്‍ മറ്റൊരു ഭാഗത്ത് ന്യൂനപക്ഷ അവകാശ ലംഘനങ്ങള്‍ മൂലം ഭീതിജനകമായ സാഹചര്യത്തിലാണ് ഇന്ത്യ കടന്നു പോകുന്നത്’, സ്പീക്കർ അഭിപ്രായപ്പെട്ടു.
‘അത്തരത്തിലുള്ള സാഹചര്യങ്ങളെ മറികടന്ന് കേരളത്തില്‍ ന്യൂനപക്ഷ വിഭാഗങ്ങളുടെ അവകാശം സംരക്ഷിക്കാന്‍ ഉതകുന്ന വിധത്തില്‍ സാമൂഹിക നീതി ഉറപ്പു വരുത്തുന്ന കാര്യങ്ങളുമായി മുന്നോട്ടു പോകുകയാണ് ‘, സ്പീക്കര്‍ കൂട്ടിച്ചേർത്തു.
Post Your Comments