മലപ്പുറം: മദ്യലഹരിയിൽ പിതാവിനെ മര്‍ദിച്ച്‌ പരിക്കേല്‍പ്പിച്ച സംഭവത്തിൽ മകന്‍ പൊലീസ് പിടിയിൽ. ചെമ്പ്രശ്ശേരി ഒടോമ്പറ്റ സ്വദേശി മേലേതില്‍ ഉമ്മറിനെയാണ് (46) പൊലീസ് അറസ്റ്റ് ചെയ്തത്. വ്യാഴാഴ്ചയാണ് കേസിനാസ്പദമായ സംഭവം.
മദ്യപിച്ച്‌ വീട്ടിലെത്തിയ ഉമ്മര്‍ പിതാവായ അബൂബക്കറിനെ മര്‍ദിക്കുകയായിരുന്നു. പിടിച്ചുമാറ്റാന്‍ ചെന്ന ഉമ്മറിന്‍റെ പിതൃസഹോദരന്‍ ഇബ്രാഹിം കുഴഞ്ഞുവീണ് മരിക്കുകയും ചെയ്തിരുന്നു.
Read Also : ആടിനെ രക്ഷിക്കാന്‍ കിണറ്റില്‍ ഇറങ്ങിയ യുവാവ് കയര്‍പൊട്ടി വീണ് മരിച്ചു
പിതാവിനെ മർദിക്കുന്നതിനിടെ പിടിച്ചുമാറ്റാനായി എത്തിയ ഇബ്രാഹിം കുഴഞ്ഞു വീഴുകയായിരുന്നു. ഉടൻ തന്നെ തൊട്ടടുത്ത ആശുപത്രിയിൽ എത്തിച്ചെങ്കിലും ഇബ്രാഹിമിന്‍റെ ജീവൻ രക്ഷിക്കാനായില്ല. ദിവസവും മദ്യപിച്ചെത്തുന്ന ഉമ്മർ വീട്ടിൽ വഴക്കുണ്ടാക്കുന്നത് പതിവായിരുന്നു. തുടർന്ന് പിതാവിനെ ഉമ്മർ മർദിച്ച കാര്യം നാട്ടുകാര്‍ ആണ് പാണ്ടിക്കാട് പൊലീസിൽ വിളിച്ച് അറിയിച്ചത്.
തുടർന്ന് നടത്തിയ അന്വേഷണത്തിനൊടുവിലാണ് ഉമ്മറിനെ പൊലീസ് അറസ്റ്റ് ചെയ്തത്. ഇയാള്‍ക്കെതിരെ വേറെയും അടിപിടി കേസുകൾ ഉണ്ടെന്ന് പൊലീസ് പറഞ്ഞു. പെരിന്തല്‍മണ്ണ കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments