വെള്ളക്കെട്ടിൽ വീണ ഫുട്ബോൾ എടുക്കാൻ ശ്രമിച്ച മൂന്ന്​ വയസുകാരൻ മുങ്ങി​മരിച്ചു

ഇരിക്കൂർ: കണ്ണൂരിൽ മൂന്ന്​ വയസുകാരൻ വെള്ളക്കെട്ടിൽ മുങ്ങി​മരിച്ചു. ഇരിക്കൂർ പെടയങ്കോട് പാറമ്മൽ സാജിദിന്‍റെ മകൻ നസൽ ആണ്​ വെള്ളക്കെട്ടിൽ വീണ് മരിച്ചത്​. കളിക്കുന്നതിനിടെ വെള്ളക്കെട്ടിൽ വീണ ഫുട്ബോൾ എടുക്കാൻ ശ്രമിച്ചപ്പോൾ കുട്ടി വെള്ളക്കെട്ടിലേക്ക് വീഴുകയായിരുന്നു.

ഉടൻതന്നെ കുട്ടിയെ ഇരിക്കൂറിലെ സ്വകാര്യ ആശുപത്രിയിൽ എത്തിച്ചെങ്കിലും നില വഷളായതിനെ തുടർന്ന് അവിടെ നിന്ന് കണ്ണൂരിലേക്ക് പോകുംവഴി മരണപ്പെടുകയായിരുന്നു.