പുരുഷു എന്നെ അനുഗ്രഹിക്കണം: മുസ്ലിം ലീഗിൽ ഇത്തവണയും വനിതാ പ്രാതിനിധ്യമില്ല, വിമർശിച്ച് സാമൂഹ്യ മാധ്യമങ്ങൾ

കോ​ഴി​ക്കോ​ട്​: മുസ്ലിം ലീഗിനെ വിമർശിച്ചു സാമൂഹ്യമാധ്യമങ്ങൾ രംഗത്ത്. മു​സ്​​ലിം യൂ​ത്ത്​ ലീ​ഗി​‍ന്റെ ഭാ​ര​വാ​ഹി​സ്​​ഥാ​ന​ങ്ങ​ളി​ല്‍ നിന്ന് വ​നി​ത​ക​ള്‍ പു​റ​ത്തായതിനെതിരെയാണ് വിമർശനങ്ങൾ ഉയരുന്നത്. ഹരിതയിലുണ്ടായ വിവാദങ്ങൾ കെട്ടടങ്ങും മുൻപ് തന്നെ വനിതകൾ ഇല്ലാത്ത ഒരു മുസ്ലിം ലീഗ് നേതൃത്വം തിരഞ്ഞെടുക്കപ്പെട്ടതിലൂടെ ഒരു പുരുഷാധിപത്യ പാർട്ടി തന്നെയാണ് മുസ്ലിം ലീഗ് എന്ന് ആണയിട്ട് പറയുകയാണ് വിമർശകർ.

Also Read:സ്വര്‍ണക്കടത്തിന് പണം നല്‍കിയത് കാരാട്ട് ഫൈസൽ: നിർണായക മൊഴിയുമായി ഒന്നാം പ്രതി സരിത്ത്

എന്നാൽ യൂ​ത്ത്​​ലീ​ഗ്​ അം​ഗ​ത്വ കാ​മ്പയി​ന്‍ നേ​ര​ത്തേ ക​ഴി​ഞ്ഞ​തി​നാ​ല്‍ അ​ടു​ത്ത കാമ്പയി​നു​ശേ​ഷം വ​നി​ത​ക​ളെ പ​രി​ഗ​ണി​ക്കു​മെ​ന്നാ​ണ്​ നേ​തൃ​ത്വ​ത്തി​‍ന്റെ വി​ശ​ദീ​ക​ര​ണം. പക്ഷെ പോ​ഷ​ക​സം​ഘ​ട​ന​ക​ളി​ല്‍ 20 ശത​മാ​നം വ​നി​ത സം​വ​ര​ണം ഏ​ര്‍​പ്പെ​ടു​ത്തു​മെ​ന്ന ലീ​ഗ്​ പ്ര​വ​ര്‍​ത്ത​ക സ​മി​തി തീ​രു​മാ​ന​ശേ​ഷ​വും യൂ​ത്ത്​​ലീ​ഗ്​ നേ​തൃ​സ്​​ഥാ​ന​ത്ത്​ വ​നി​ത​ക​ള്‍ പ​രി​ഗ​ണി​ക്ക​പ്പെ​ടാത്തതാണ് വിമർശകരെ ചൊടിപ്പിച്ചത്.

അതേസമയം, ഹ​രി​ത ഉ​യ​ര്‍​ത്തി​യ ക​ലാ​പ​ത്തെ തു​ട​ര്‍​ന്ന്​ എം.​എ​സ്.​എ​ഫ്​ ദേ​ശീ​യ വൈ​സ്​ പ്ര​സി​ഡ​ന്‍​റ്​ സ്​​ഥാ​ന​ത്തു​നി​ന്ന്​ പു​റ​ത്താ​ക്ക​പ്പെ​ട്ട അ​ഡ്വ. ഫാ​ത്തി​മ ത​ഹ്​​ലി​യ​യെ യൂ​ത്ത്​​ലീ​ഗ്​ ഭാ​ര​വാ​ഹി​പ്പ​ട്ടി​ക​യി​ല്‍ ഉ​ള്‍​പ്പെ​ടു​ത്തു​മെ​ന്ന്​ ശ്രു​തി​യു​ണ്ടാ​യി​രു​ന്നെ​ങ്കി​ലും ലീഗ് അ​വ​ഗ​ണി​ക്കുകയായിരുന്നു. ഇതിനെതിരെയും പ്രതിഷേധങ്ങൾ ശക്തമാണ്.