ചികിത്സയ്ക്കിടെ രോഗിയെ പീഡിപ്പിക്കാൻ ശ്രമം; ഫിസിക്കൽ തെറാപ്പിസ്റ്റ് പിടിയിൽ

ദുബായ്: ചികിത്സയ്ക്കിടെ രോഗിയെ പീഡിപ്പിക്കാൻ ശ്രമിച്ച ഫിസിക്കൽ തെറാപ്പിസ്റ്റ് പിടിയിൽ. മെയ് 5 നാണ് കേസിനാസ്പദമായ സംഭവം നടന്നത്. ചുമലിൽ ട്രീറ്റ്‌മെന്റ് നടത്തുന്നതിനിടെ 38 കാരനായ യുവാവ് 46 കാരിയുടെ ശരീരഭാഗങ്ങളിൽ തൊടാൻ ശ്രമിക്കുകയായിരുന്നു. കുതറിമാറാൻ ശ്രമിച്ചെങ്കിലും ഇയാൾ രോഗിയായ സ്ത്രീയെ അനാവശ്യമായി കടന്നുപിടിക്കുകയും ചുംബിക്കാൻ ശ്രമിക്കുകയും ചെയ്‌തു. തുടർന്ന് ഇയാളെ തള്ളിമാറ്റി ഇവർ രക്ഷപെടുകയുമായിരുന്നു.