ചെന്നൈ: ആക്ഷന്‍ രംഗം ചിത്രീകരിക്കുന്നതിനിടെ നടി സായ് ധന്‍സികയ്ക്ക് പരിക്കേറ്റു. യോഗി ദാ’ എന്ന ചിത്രത്തിന്റെ ഷൂട്ടിംഗിനിടെയായിരുന്നു സംഭവം. കണ്ണിനാണ് താരത്തിന് പരിക്ക് പറ്റിയത് . ആക്ഷന്‍ രംഗങ്ങള്‍ക്ക് പ്രാധാന്യമുള്ള ചിത്രമാണ് ഗൗതം കൃഷ്ണ സംവിധാനം ചെയ്യുന്ന യോഗി ദാ. ഈ ചിത്രത്തിന്റെ ഒരു ആക്ഷന്‍ രംഗം ചിത്രീകരിക്കുന്നതിനിടയിലാണ് ധന്‍സികയ്ക്ക് പരിക്കേറ്റത്.
നടിയെ ഉടന്‍ തന്നെ ആശുപത്രിയില്‍ പ്രവേശിപ്പിച്ച്‌ പ്രാഥമിക ശുശ്രൂഷ നല്‍കി. കണ്ണിന് ഗുരുതരമായി പരിക്കേറ്റെങ്കിലും താരം അടുത്ത ദിവസം തന്നെ ഷൂട്ടിംഗിനെത്തുമെന്നാണ് അറിയുന്നത്. താന്‍ സിനിമയുമായി സഹകരിക്കുമെന്ന് താരം അറിയിച്ചതായി അണിയറ പ്രവര്‍ത്തകര്‍ പറഞ്ഞു.
Post Your Comments