മട്ടന്നൂർ; പഴശ്ശി അണക്കെട്ടിന് ഭീഷണിയായി മണൽവാരൽ; കയ്യോടെ പിടികൂടി പൊലീസ്. പഴശ്ശി അണക്കെട്ടിൽനിന്ന്‌ വാരിയ മണൽ കടത്തിക്കൊണ്ടുപോകുന്നതിനിടയിൽ പിക്കപ്പ് ജീപ്പ് പോലീസ് പിടികൂടി. മട്ടന്നൂർ പോലീസ് നടത്തിയ പരിശോധനയിലാണ് മണലും ജീപ്പും പിടികൂടിയത്.
പഴശ്ശി അണക്കെട്ടിന് ഭീഷണിയാകുന്ന തരത്തിൽ മണൽവാരൽ നടക്കുന്നതിനാൽ ഈ പ്രദേശത്ത് പോലീസ് പട്രോളിങ്ങ് നടത്തുന്നുണ്ട്. പൂക്കുണ്ടിൽനിന്ന്‌ മണൽ കയറ്റി പോകുന്നതിനിടെയാണ് പിക്കപ്പ് ജീപ്പ് പിടികൂടാനായത്. കഴിഞ്ഞ ദിവസങ്ങളിൽ ഈ പ്രദേശത്തുനിന്ന്‌ ലോഡുകണക്കിന്‌ മണൽ പോലീസ് പിടിച്ചെടുക്കുകയും ചെയ്തിരുന്നു.
Post Your Comments