എസ്.എസ്.എല്‍.സി പരീക്ഷ തിയതി നീട്ടി

തിരുവനന്തപുരം: ഈ വര്‍ഷത്തെ എസ്.എസ്.എല്‍.സി പരീക്ഷ നീട്ടി. എസ്.എസ്.എല്‍.സി പരീക്ഷ 2019 മാര്‍ച്ച് 13 മുതല്‍ 28 വരെ നടത്താനാണ് ശുപാര്‍ശ. മാര്‍ച്ച് 13, 14, 18, 19, 20, 21, 25, 26, 27 തീയതികളില്‍ പരീക്ഷ നടത്തും. മറ്റ് ക്ലാസുകളിലെ വര്‍ഷാന്ത്യപരീക്ഷ 2019 മാര്‍ച്ച് 15, 16, 22, 23, 28, 29 തീയതികളില്‍ നടക്കും. ഇന്ന് ചേര്‍ന്ന ക്വാളിറ്റി ഇംപ്രൂവ്മെന്റ് പ്രോഗ്രാമിന്റേതാണ് ശുപാര്‍ശ. ആവശ്യത്തിന് അധ്യയന വര്‍ഷം ലഭിക്കാത്തതാണ് പരീക്ഷാ തീയതി നീട്ടാന്‍ കാരണം. മഴക്കെടുതിയില്‍ പഠനം നഷ്ടമായ ജില്ലകളിലെ സ്‌കൂളുകളില്‍ ഇനിയുള്ള പറ്റാവുന്ന ശനിയാഴ്ചകള്‍ പ്രവര്‍ത്തിദിനമാക്കാനും തീരുമാനമായി.