പെൺകുട്ടിക്ക് നേരേ ആനറാഞ്ചിയുടെ ആക്രമണം ; വീഡിയോ വൈറൽ

എട്ടുവയസുകാരിക്ക് നേരേ ഭീമൻ പരുന്തിന്റെ ആക്രമണം. ഇരയാണെന്ന് കരുതി കുട്ടിയെ റാഞ്ചിയെടുക്കാൻ ശ്രമിക്കുമ്പോഴാണ് രക്ഷപ്പെടുത്തിയത്. കിര്‍ഗിസ്ഥാനിലെ ഇസൈക് കുല്‍ മേഖലയില്‍ കുടുംബത്തോടൊപ്പം വിനോദ സഞ്ചാരത്തിനെത്തിയതായിരുന്നു പെണ്‍കുട്ടി. തനിച്ച് നടന്നുകൊണ്ട് ഗ്രൗണ്ടില്‍ കുതിര സവാരിയും മത്സരങ്ങളും കാണുകയായിരുന്നു കുട്ടി.

Read also: മഴക്കെടുതി സന്ദർശിച്ചോ? എന്ന മോദിയുടെ ചോദ്യത്തിന് മുമ്പിൽ മുഖ്യമന്ത്രി പതറി

ഇതിനിടെ ഭീമാകാരനായ പരുന്ത് ഗ്രൗണ്ടിലേയ്ക്ക് താഴ്ന്നു പറന്ന് വന്ന് കുട്ടിയെ റാഞ്ചാൻ ശ്രമിക്കുകയായിരുന്നു. പെട്ടെന്നുണ്ടായ ആക്രമണത്തില്‍ കുട്ടി നിലത്തു വീണു പോയി. സംഭവത്തിന്റെ വീഡിയോ ഗ്രൗണ്ടിൽ ഉണ്ടായിരുന്ന മറ്റു വിനോദ സഞ്ചാരികൾ പകർത്തിയിരുന്നു. വീഡിയോ ഇതിനോടകം സോഷ്യൽ മീഡിയയിൽ വൈറലാകുകയും ചെയ്‌തു.