കോട്ടയം: പുതുപ്പള്ളി ഉപതിരഞ്ഞെടുപ്പിൽ ജെയ്ക്ക് സി തോമസുമായി വികസന സംവാദത്തിന് തയ്യാറാണെന്ന് യുഡിഎഫ് സ്ഥാനാർത്ഥി ചാണ്ടി ഉമ്മൻ പറഞ്ഞു. ഉമ്മൻ ചാണ്ടിയുടെ വികസന പ്രവർത്തനങ്ങൾ എണ്ണിയെണ്ണി പറയാനുണ്ട്. വികസന വിഷയങ്ങൾ ഉന്നയിച്ചാണ് നിലവിൽ ഇടതുമുന്നണിയുടെ സ്ഥാനാർത്ഥി ജെയ്ക്ക് സി തോമസ് മുന്നോട്ട് പോകുന്നത്. പുതുപ്പള്ളിയിൽ വികസന സംവാദത്തിന് തയ്യാറുണ്ടോയെന്ന് യുഡിഎഫ് സ്ഥാനാർത്ഥിയെ ജയ്ക്ക് സി തോമസാണ് വെല്ലുവിളിച്ചത്.
എന്നാൽ സംവാദത്തിന് ചാണ്ടി ഉമ്മൻ തയ്യാറായിരുന്നില്ല. മറിച്ച് ഇടത് മുന്നണിക്ക് നേരെ മറുവെല്ലുവിളി ഉയർത്തുകയായിരുന്നു. പുതുപ്പള്ളിയിൽ ഉമ്മൻചാണ്ടി കൊണ്ടുവന്ന പദ്ധതികൾ മുരടിപ്പിച്ചത് ഇടത് സർക്കാരുകളെന്നായിരുന്നു ചാണ്ടി ഉമ്മന്റെ പ്രതികരണം. എന്നാൽ പുതുപ്പള്ളിയിൽ കൂടുതൽ വികസനം നടന്നത് ഇടത് സർക്കാരുകളുടെ കാലത്തെന്ന് ജെയ്ക്ക് സി തോമസ് വാദിക്കുന്നു. പഞ്ചായത്ത്, വില്ലേജ് ഓഫീസുകളും കൃഷി ഭവനും ചൂണ്ടിക്കാട്ടലല്ല വികസനമെന്നും ജനങ്ങളുടെ ജീവൽ സംബന്ധിയായ വിഷയങ്ങളിൽ കോൺഗ്രസ് മറുപടി പറയണമെന്നും ജെയ്ക്ക് സി തോമസ് പറഞ്ഞിരുന്നു.
Post Your Comments