തിരുവനന്തപുരം: വീടിനടുത്ത് കൂട്ടം കൂടി നിന്നത് ചോദ്യം ചെയ്തതിന് ഗൃഹനാഥനെ ആക്രമിച്ച് പരിക്കേൽപ്പിച്ചു. സംഭവത്തില്‍ പതിനാറു വയസ്സുകാരൻ അടക്കമുളള സംഘത്ത പൊലീസ് അറസ്റ്റ് ചെയ്തു.
കോവളം കെഎസ് റോഡ് വേടർ കോളനിയിൽ സുചീന്ദ്രനെ(40) ആണ് സംഘം ആക്രമിച്ചത്. കമ്പിപ്പാരകൊണ്ട് തലയ്ക്കടിച്ചും കല്ലുകൊണ്ട് ശരീത്തിലിടിച്ചുമാണ് പ്രതികള്‍ സുചീന്ദ്രനെ പരുക്കേൽപ്പിച്ചത്.
കെഎസ് റോഡ് വേടർകോളനി ഒലിപ്പുവിള വീട്ടിൽ ബേബി സദനത്തിൽ രാഹുൽ(22) പാറവിള വീട്ടിൽ ജിത്തു(24) പതിനാറുകാരൻ എന്നിവര്‍ അടക്കം ആണ് പിടിയിലായത്. വെളളിയാഴ്ച രാത്രി 11.30 ഓടെയായിരുന്നു സംഭവം. പരിക്കേറ്റ സുചീന്ദ്രന്റെ പരാതി പ്രകാരം കോവളം പൊലീസ് കേസെടുക്കുകയായിരുന്നു.
എസ്എച്ച്ഒ എസ് ബിജോയ് എസ്ഐമാരായ എസ് അനീഷ്‌കുമാർ, സുരേഷ് കുമാർ എന്നിവരുൾപ്പെട്ട പോലീസ് സംഘമാണ് പ്രതികളെ പിടികൂടിയത്. പതിനാറുകാരൻ ഒഴികെയുളള രണ്ടുപേരെ കോടതിയിൽ ഹാജരാക്കി റിമാൻഡ് ചെയ്തു.
Post Your Comments