
തിരുവനന്തപുരം: മാസപ്പടി കേസില് മുഖ്യമന്ത്രി പിണറായി വിജയന്റെ മകള് വീണ വിജയനെ പ്രതിചേര്ത്ത് സീരിയസ് ഫ്രോഡ് ഇന്വെസ്റ്റിഗേഷന് ഓഫീസിന്റെ കുറ്റപത്രം. എക്സാലോജിക്കും ശശിധരന് കര്ത്തയും സിഎംആര്എല്ലും സഹോദര സ്ഥാപനവും പ്രതികളാണ്. സേവനം ഒന്നും നല്കാതെ വീണ വിജയന് 2.70 കോടി കൈപ്പറ്റിയെന്നാണ് കണ്ടെത്തല്. പ്രോസിക്യൂഷന് നടപടികള്ക്ക് കേന്ദ്ര കമ്പനികാര്യ മന്ത്രാലയത്തിന്റെ അനുമതി ലഭിച്ചു. പ്രതികള്ക്കെതിരെ 10 വര്ഷം വരെ തടവ് ശിക്ഷ ലഭിക്കാവുന്ന വകുപ്പുകളാണ് ചുമത്തിയത്.
Read Also: എറണാകുളത്ത് പതിനഞ്ചുകാരി 8മാസം ഗര്ഭിണി, വീട്ടുകാര് വിവരം മറച്ചുവെച്ചു; പ്രതി 55കാരന്
മുഖ്യമന്ത്രിയുടെ മകള് വീണ ടി, സിഎംആര്എല് എം.ഡി ശശിധരന് കര്ത്ത, സിഎംആര്എല് സിജിഎം ഫിനാന്സ് പി.സുരേഷ് കുമാര് അടക്കമുള്ളവര്ക്കെതിരെയാണ് പ്രോസിക്യൂഷന് അനുമതി. കമ്പനികാര്യ മന്ത്രാലയമാണ് എസ്എഫ്ഐഒക്ക് അനുമതി നല്കിയത്. സിഎംആര്എല്- എക്സാലോജിക്ക് ഇടപാടില് ക്രമക്കേട് കണ്ടെത്തിയുള്ള എസ്എഫ്ഐഒയുടെ അന്വേഷണ റിപ്പോര്ട്ടിലാണ് പ്രോസിക്യൂഷന് അനുമതി നല്കിയത്. എസ്എഫ്ഐഒയുടെ ചാര്ജ് ഷീറ്റില് ഗുരുതര വകുപ്പുകളാണ് ചുമത്തിയിരിക്കുന്നത്.
Post Your Comments