കോട്ടയം: ചിങ്ങവനത്ത് മെഡിക്കല്‍ സ്റ്റോർ കുത്തിത്തുറന്ന് മോഷണം നടത്താന്‍ ശ്രമിച്ച കേസില്‍ രണ്ടുപേര്‍ അറസ്റ്റില്‍. കുറിച്ചി ഇത്തിത്താനം ചീരഞ്ചിറ ഭാഗത്ത് ചൂരപ്പറമ്പില്‍ സിനോ ദേവസ്യ (22), തിരുവല്ല കവിയൂര്‍ കോട്ടൂര്‍ ഭാഗത്ത് കയ്യാലയില്‍ രാഹുല്‍ രവി (22) എന്നിവരെയാണ് അറസ്റ്റ് ചെയ്തത്. ചിങ്ങവനം പൊലീസ് ആണ് പ്രതികളെ പിടികൂടിയത്.
Read Also : ഹീമോഗ്ലോബിന്റെ അളവ് കൂട്ടാൻ സഹായിക്കുന്ന ചില ഭക്ഷണങ്ങൾ!
കഴിഞ്ഞ ആറിനു പുലര്‍ച്ചെയാണ് കേസിനാസ്പദമായ സംഭവം. കുറിച്ചി ഇത്തിത്താനം ഭാഗത്ത് പ്രവര്‍ത്തിക്കുന്ന മെഡിക്കല്‍ സ്റ്റോറിന്‍റെ ഷട്ടറിന്‍റെ പൂട്ട് പൊളിക്കാന്‍ ശ്രമിക്കുകയും കടയുടെ മുന്‍ഭാഗത്ത് സ്ഥാപിച്ചിരുന്ന സിസിടിവി കാമറ തല്ലി പൊട്ടിക്കുകയും ചെയ്തു. പരാതിയുടെ അടിസ്ഥാനത്തിൽ ചിങ്ങവനം പൊലീസ് കേസ് രജിസ്റ്റര്‍ ചെയ്യുകയും ഇവരെ ചങ്ങനാശേരി വാഴപ്പള്ളിയില്‍ നിന്നു പിടികൂടുകയുമായിരുന്നു.
എസ്എച്ച്ഒ ടി.ആര്‍. ജിജു, എസ്‌ഐ സി.പി. ലിനേഷ് എന്നിവരുടെ നേതൃത്വത്തിലാണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.
Post Your Comments