കഴക്കൂട്ടം: കഠിനംകുളത്ത് വില്പനക്കായി ഓട്ടോയിൽ കൊണ്ടുവന്ന 27 ലിറ്റർ വിദേശ മദ്യവുമായി രണ്ടുപേർ പിടിയിൽ. പിടിയിലായി. പെരുമാതുറ ഒറ്റപ്പന സ്വദേശികളായ നിയാസ് (23), ഷിബു (54) എന്നിവരെയാണ് പൊലീസ് പിടികൂടിയത്. കഠിനംകുളം പൊലീസാണ് പ്രതിയെ പിടികൂടിയത്.
പെരുമാതുറക്ക് സമീപം ഒറ്റപ്പനയിൽ ഷിബു ഓടിച്ച ഓട്ടോറിക്ഷയിൽ മദ്യം കടത്തുന്നതിനിടെയാണ് പ്രതികൾ വലയിലായത്. ചിറയിൻകീഴുളള മദ്യവിൽപന ശാലയിൽ നിന്നും മദ്യം വാങ്ങി വിൽപ്പനക്കായി ഒറ്റപ്പനയിലേക്ക് വരികയായിരുന്നു പ്രതികൾ. മദ്യം കടത്താൻ ഉപയോഗിച്ച ഓട്ടോറിക്ഷയും പൊലീസ് കസ്റ്റഡിയിലെടുത്തു.
കഠിനംകുളം എസ്എച്ച്ഒ സജു ആന്‍റണിയുടെ നേതൃത്വത്തിലുള്ള സംഘം ആണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.
Post Your Comments