പാകിസ്ഥാനിൽ നിന്ന് വാട്ട്‌സ്ആപ്പ് വീഡിയോ മെസേജ് തട്ടിപ്പ് വീണ്ടും സജീവം: ജാഗ്രത പാലിക്കാൻ അറിയേണ്ടതെല്ലാം

ഡൽഹി: കോൻ ബനേഗ ക്രോർപതിയുടെ ഭാഗ്യ നറുക്കെടുപ്പിന്റെ ഭാഗമായി 25 ലക്ഷം രൂപ നേടിയെന്ന് അവകാശപ്പെടുന്ന ഒരു വാട്ട്‌സ്ആപ്പ് സന്ദേശം ഉപയോക്താക്കൾക്ക് വീണ്ടും ലഭിക്കുന്നതായി പരാതി. ക്യാഷ് പ്രൈസ് ലഭിക്കുന്നതിനുള്ള നടപടികൾ വിശദീകരിക്കുന്ന ഒരു വീഡിയോ സന്ദേശമാണ് ലഭിക്കുന്നത്. ഇതാദ്യമായല്ല ഉപയോക്താക്കൾക്ക് ക്യാഷ് റിവാർഡ് ക്ലെയിം ചെയ്ത്, വാട്ട്‌സ്ആപ്പിലെ ഒരു അജ്ഞാത നമ്പറിൽ നിന്ന് ഇത്തരം സന്ദേശങ്ങൾ ലഭിക്കുന്നത്. വ്യാജ സന്ദേശം സംബന്ധിച്ച് ഡൽഹി പോലീസിന്റെ സൈബർ ക്രൈം യൂണിറ്റ് നേരത്തെ മുന്നറിയിപ്പ് നൽകിയിരുന്നു.

നേരത്തെയുള്ള വ്യാജ വാട്ട്‌സ്ആപ്പ് ഫോർവേഡുകൾക്ക് സമാനമായി, ഏറ്റവും പുതിയ വീഡിയോ സന്ദേശമാണ് ഉപയോക്താക്കൾക്ക് ലഭിക്കുന്നത്. 25 ലക്ഷം രൂപ നേടിയെന്നും കൂടുതൽ വിവരങ്ങൾക്ക് ഒരു നമ്പറിൽ (6261343146) ബന്ധപ്പെടണമെന്നും അവശ്യപ്പെടുന്നു. സാധാരണ കോളിംഗ് രീതി ഉപയോഗിച്ച് ഉപയോക്താക്കൾക്ക് ഈ നമ്പറിൽ വിളിക്കാനാകില്ലെന്നും വാട്ട്‌സ്ആപ്പ് കോൾ ഫീച്ചർ ഉപയോഗിക്കണമെന്നുമാണ് ഏറ്റവും പുതിയ വീഡിയോ സന്ദേശത്തിൽ പറയുന്നത്. അതിനുശേഷം, ഉപയോക്താക്കളെ ഒരു ‘ഓഫീസർ’ റാണാ പ്രതാപ് ബന്ധപ്പെടും, അവർ വ്യക്തിപരമായ വിശദാംശങ്ങൾ ചോദിക്കും.

വീണ്ടും കർഷകാത്മഹത്യ: വയനാട്ടിൽ യുവ കർഷകൻ കടബാധ്യതതയെ തുടർന്ന് ആത്മഹത്യ ചെയ്തു

പഴയ വ്യാജ വാട്ട്‌സ്ആപ്പ് ഫോർവേഡുകളിലുള്ള അതേ പോസ്റ്റർ തന്നെയാണ് വീഡിയോ സന്ദേശത്തിലും ഉള്ളത്. അഭിനേതാക്കളായ അമിതാഭ് ബച്ചൻ, ഷാരൂഖ് ഖാൻ, റിലയൻസ് ചെയർപേഴ്‌സൺ മുകേഷ് അംബാനി എന്നിവരുടെ ചിത്രങ്ങളാണ് പോസ്റ്ററിൽ ഉൾപ്പെടുത്തിയിരിക്കുന്നത്. ആധികാരികത തെളിയിക്കുന്നതിനായി ചിത്രത്തിന്റെ ചുവടെ വിവിധ സ്റ്റിക്കറുകളും സ്പോൺസർ ടാഗുകളും ഉണ്ട്. ഉപയോക്താക്കൾക്കായി കെബിസി ലക്കി ഡ്രോ കോഡും വാട്ട്‌സ്ആപ്പ് നമ്പറും നൽകിയിട്ടുണ്ട്.

ഡൽഹി പോലീസിന്റെ സൈബർ സെൽ ഈ തട്ടിപ്പ് പുറത്തുകൊണ്ടുവന്നിരുന്നു. ഇത്തരം വാട്ട്‌സ്ആപ്പ് ഫോർവേഡുകളെക്കുറിച്ച് ഉപയോക്താക്കൾക്ക് മുന്നറിയിപ്പ് നൽകുകയും ചെയ്യുന്നു. തട്ടിപ്പുകാർ അജ്ഞാതമായ നമ്പറുകളിൽ നിന്നാണ് വാട്ട്‌സ്ആപ്പ് സന്ദേശങ്ങൾ അയയ്‌ക്കുന്നതെന്ന് സൈബർ സെൽ വ്യക്തമാക്കിയിരുന്നു. പാകിസ്ഥാൻ ആസ്ഥാനമായുള്ള ഒരു മൊബൈൽ നമ്പറിൽ നിന്നാണ് ഭൂരിഭാഗം സന്ദേശങ്ങളും ലഭിക്കുന്നത്.

തമിഴ്‌നാട്ടിലെ ആറുവരി അതിവേഗ പാത പദ്ധതിക്കെതിരെ സിപിഎം, വികസന പദ്ധതിക്ക് തുരങ്കം വെച്ച് സിപിഎം നേതാക്കള്‍

വലിയ തുകകൾ സമ്മാനം ലഭിച്ചതായി അവകാശപ്പെടുന്ന വ്യാജ വാട്ട്‌സ്ആപ്പ് സന്ദേശങ്ങളിൽ സാധാരണയായി വ്യാകരണ പിശകുകൾ അടങ്ങിയിട്ടുണ്ടെന്ന് പോലീസ് വകുപ്പ് മുന്നറിയിപ്പ് നൽകുന്നു. വ്യക്തിവിവരങ്ങൾ വെളിപ്പെടുത്താൻ ഒരു കോളർ നിർബന്ധിച്ചാൽ, ഉപയോക്താക്കൾ ഈ സന്ദേശം അടുത്തുള്ള പോലീസ് ഉദ്യോഗസ്ഥരുമായി പങ്കിടണമെന്നും സൈബർ സെൽ അറിയിക്കുന്നു.