പ്രായപൂർത്തിയാവാത്ത പെൺകുട്ടിയെ പ്രണയം നടിച്ച് പീഡിപ്പിച്ചു : യുവാവ് പിടിയിൽ

പാലാ: പ്രായപൂർത്തിയാവാത്ത പെൺകുട്ടിയെ പ്രണയം നടിച്ച് പീഡിപ്പിച്ച കേസിൽ യുവാവ് അറസ്റ്റിൽ. കിടങ്ങൂർ കുമ്മണ്ണൂർ മുല്ലശ്ശേരി വീട്ടിൽ അലക്‌സാണ് (24) പൊലീസ് പിടിയിലായത്. പാലാ പൊലീസാണ് പ്രതിയെ പിടികൂടിയത്.

17 വയസ്സുള്ള പെൺകുട്ടിയെ കാണാനില്ലെന്ന പരാതിയുടെ അടിസ്ഥാനത്തിൽ നടത്തിയ അന്വേഷണത്തിനൊടുവിലാണ് പീഡനവിവരം പുറത്തറിയുന്നത്. വിവാഹവാഗ്ദാനം നൽകി പെൺകുട്ടിയെ പ്രതിയുടെ വീട്ടിൽ കൂട്ടിക്കൊണ്ടുപോയി പീഡിപ്പിക്കുകയായിരുന്നു.

Read Also : രാജ്യവിരുദ്ധരുടെ വായടപ്പിച്ച് ബിജെപിയുടെ തേരോട്ടം : ചരിത്രം കുറിച്ച് യോഗി ആദിത്യനാഥ്

പാലാ ഡിവൈ.എസ്.പി ഷാജു ജോസിന്‍റെ നിർദേശപ്രകാരം പാലാ എസ്.എച്ച്.ഒ കെ.പി. ടോംസൺ, എസ്.ഐ എം.ഡി. അഭിലാഷ്, എ.എസ്.ഐ ബിജു കെ. തോമസ്, സീനിയർ സി.പി.ഒ ഷെറിൻ സ്റ്റീഫൻ, സി.പി.ഒ രഞ്ജിത് എന്നിവരുടെ നേതൃത്വത്തിലാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി.