പഴഞ്ഞി: മദ്യപിച്ച് വാക്കുതർക്കത്തിനിടെ കാട്ടകാമ്പാൽ ചിറക്കൽ കോളനിയിൽ യുവാവിന് വെട്ടേറ്റു. ഐ.എച്ച്.ഡി.പി കോളനിയിൽ പണിക്കത്തുപറമ്പിൽ ബേബിക്കാണ് (32) വെട്ടേറ്റത്.
ശനിയാഴ്ച രാത്രി എട്ട് മണിയോടെയായിരുന്നു സംഭവം. ഇടതു കൈക്കാണ് ബേബിക്ക് വെട്ടേറ്റത്. രക്തം വാർന്ന് അബോധാവസ്ഥയിൽ കണ്ടെത്തിയ യുവാവിനെ നാട്ടുകാരാണ് മെഡിക്കൽ കോളജ് ആശുപത്രിയിൽ എത്തിച്ചത്.
സുഹൃത്തും സമീപവാസിയുമായ യുവാവാണ് സംഭവത്തിന് പിറകിലെന്ന് പൊലീസ് പറഞ്ഞു. സംഭവത്തിൽ, പൊലീസ് കേസെടുത്ത് അന്വേഷണം ആരംഭിച്ചു.
Post Your Comments