സാനിറ്ററി പാഡ് മൂലമുണ്ടാകുന്ന ചൊറിച്ചിൽ: സ്ത്രീകൾ ശ്രദ്ധിക്കേണ്ട കാര്യങ്ങൾ

ആർത്തവസമയങ്ങളിൽ‌ എല്ലാ സ്ത്രീകളും ഉപയോ‌​ഗിക്കുന്ന ഒന്നാണ് സാനിറ്ററി പാഡുകൾ. ഇപ്പോൾ വിപണികളിൽ പല തരത്തിലുള്ള പാഡുകൾ ലഭ്യമാണ്. പല സ്ത്രീകളും പുതിയ ബ്രാന്റുകൾ വാങ്ങിച്ച ശേഷം എങ്ങനെയുണ്ടെന്ന് പരീക്ഷിക്കാറുണ്ട്. ചില പാഡുകൾ ഉപയോ​ഗിക്കുന്നതിലൂടെ ചൊറിച്ചിൽ,യോനിയിൽ അസ്വസ്ഥത, ചുവന്ന പാടുകൾ ഇങ്ങനെ പലതും ഉണ്ടാകാറുണ്ട്. ഡോക്ടറിനെ പോയി കാണുമ്പോൾ അവർ പറയുന്നത് പാഡിന്റെ പ്രശ്നമാണെന്നാകും. പാഡ് ഉപയോ​ഗിച്ച് സ്ഥിരമായി ചൊറിച്ചിലുണ്ടാകുന്നവർ ചില കാര്യങ്ങൾ നിർബന്ധമായും ശ്രദ്ധിക്കണം.

ഓഫീസിൽ പോയാലും വീട്ടിൽ നിന്നാലും ​​ഗുണനിലവാരമുള്ള പാഡുകൾ ഉപയോ​ഗിക്കാൻ ശ്രമിക്കുക. പഞ്ഞിപ്പോലെ വളരെ മൃദുലമുള്ള പാഡുകളായിരിക്കണം ഉപയോ​ഗിക്കേണ്ടത്. പാഡ് ഉപയോ​ഗിച്ച് അസ്വസ്ഥത തോന്നിയാൽ ഉടൻ തന്നെ അത് മാറ്റാൻ ശ്രദ്ധിക്കണം.ഇല്ലെങ്കിൽ അണുബാധയുണ്ടാകാം.

Read Also  :  ‘അയാളിൽ 50 കോടി തട്ടിയെടുത്ത സെക്കൻഡ് ഹാൻഡ് ഐറ്റം’: അധിക്ഷേപിച്ചവന് മറുപടിയുമായി സമാന്ത

ആർത്തവ സമയങ്ങളിൽ മൂന്ന് മണിക്കൂർ ഇടവിട്ട് പാഡ് മാറ്റാൻ ശ്രദ്ധിക്കണം. ഇല്ലെങ്കിൽ യോനിയിൽ അണുബാധയുണ്ടാകാൻ സാധ്യതയുണ്ട്. അത് കൂടുതൽ പ്രശ്നങ്ങളിലേക്ക് എത്തിക്കും.

ആർത്തവസമയങ്ങളിൽ ചെറുചൂട് വെള്ളം ഉപയോ​ഗിച്ച് കഴുകണം. എപ്പോഴും യോനിഭാ​ഗം വൃത്തിയായി സൂക്ഷിക്കാൻ ശ്രമിക്കണം. ഇല്ലെങ്കിൽ മറ്റ് അസുഖങ്ങൾ പിടിപ്പെടാം. വീര്യം കൂടിയ സോപ്പ് യോനിഭാ​ഗത്ത് ഉപയോ​ഗിക്കരുത്.