പത്തനംതിട്ട: വിവാഹമോചന കേസില്‍ ഏതാനും മണിക്കൂറിനുള്ളില്‍ വിധി വരാനിരിക്കെ യുവാവ് കുഴഞ്ഞ് വീണ് മരിച്ചു. പത്തനംതിട്ട ചീഫ് ജുഡീഷ്യല്‍ മജിസ്ട്രേറ്റ് കോടതിയില്‍ വെച്ചാണ് രക്തം ഛര്‍ദിച്ച്‌ കുഴഞ്ഞുവീണ യുവാവ് മരിച്ചത്. ആറന്മുള പൊലീസ് സ്റ്റേഷനില്‍ രജിസ്റ്റര്‍ ചെയ്ത ഗാര്‍ഹിക പീഡനക്കേസിലെ പ്രതിയായ ആറന്മുള കോഴിപ്പാലം തളിക്കാട്ട് മോടിയില്‍ ടി.പി. ബിജുവാണ് (41) മരിച്ചത്.
വെള്ളിയാഴ്ച 1.45 ഓടെയാണ് സംഭവം. ആറുമാസമായി ആലപ്പുഴ ജില്ല ജയിലിലായിരുന്ന ബിജുവിനെ പത്തനംതിട്ട സി.ജെ.എം കോടതിയില്‍ എത്തിച്ചതാണ്. അവസാന വട്ട വിചാരണക്കുശേഷം കോടതി വരാന്തയിലിരുന്ന ബിജു ദേഹാസ്വാസ്ഥ്യത്തെത്തുടര്‍ന്ന് ചോര ഛര്‍ദിച്ചു. പത്തനംതിട്ട ജനറല്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
Read Also : ചാൾസ് രാജകുമാരനെ സന്ദർശിച്ച് ഒമാൻ ഭരണാധികാരി : ഉഭയകക്ഷി ബന്ധങ്ങൾ ചർച്ച ചെയ്തു
വിസ്താരത്തിനിടെ ബിജുവില്‍ നിന്ന് വിവാഹമോചനം വേണമെന്ന് ഭാര്യ കോടതിയോട് ആവശ്യപ്പെട്ടു. തുടർന്ന് വിവാഹമോചനത്തില്‍ ബിജു ഒപ്പുവെച്ചതോടെ കേസ് പിന്‍വലിക്കാന്‍ തയാറാണെന്ന് ഭാര്യ കോടതിയോട് പറഞ്ഞു. ഉച്ചകഴിഞ്ഞ് കേസിന്റെ വിധി വരാനിരിക്കെയാണ് യുവാവിന്റെ മരണം.
Post Your Comments