തൃശൂര്‍ : വിവാഹ വാഗ്ദാനം നല്‍കി യുവതിയെ പീഡിപ്പിച്ച സംഭവത്തില്‍ മദ്ധ്യവയസ്‌കന്‍ അറസ്റ്റില്‍. ഗുരുവായൂര്‍ തേക്കേനട വാകയില്‍ മഠം പദ്മനാഭനെ (54)യാണ് ചാവക്കാട് പോലീസ് അറസ്റ്റ് ചെയ്തത്. തൃശൂരിലാണ് സംഭവം. ഫേസ്ബുക്കിലൂടെ പരിചയപ്പെട്ട യുവതിയെയാണ് ഇയാള്‍ പീഡനത്തിന് ഇരയാക്കിയത്.
Read Also : ഒമൈക്രോണ്‍ സ്ഥിരീകരിച്ച യുവാവ് ആശുപത്രിയില്‍ നിന്ന് രക്ഷപ്പെട്ടു: യുവാവിനായി തിരച്ചില്‍
എഴ് മാസം മുന്‍പാണ് പരാതിക്കാരി ഇയാളെ സമൂഹമാദ്ധ്യമം വഴി പരിചയപ്പെട്ടത്. വിവാഹിതനാണെന്ന് ഇയാള്‍ യുവതിയില്‍ നിന്നും മറച്ചുവെച്ചു. വിവാഹ വാഗ്ദാനം നല്‍കി വിവിധ ലോഡ്ജുകളില്‍ എത്തിച്ച് ഇയാള്‍ തന്നെ പീഡിപ്പിച്ചെന്ന് യുവതിയുടെ പരാതിയില്‍ പറയുന്നു. യുവതിയുടെ സ്വര്‍ണം വാങ്ങി പണയം വെയ്ക്കുകയും ലക്ഷങ്ങള്‍ തട്ടിയെടുക്കുകയും ചെയ്തു. ബാങ്ക് അക്കൗണ്ടില്‍ നിന്നും എട്ടേകാല്‍ ലക്ഷത്തോളം രൂപ കൈപ്പറ്റിയെന്നും തിരിച്ച് നല്‍കിയിട്ടില്ലെന്നും യുവതിയുടെ പരാതിയില്‍ ആരോപിക്കുന്നുണ്ട്.
Post Your Comments