പെൺകുട്ടികളെ മി​ഠാ​യി​ കൊടുത്തും, മൊബൈൽ ഫോൺ നൽകിയും ലൈംഗികമായി പീഡിപ്പിക്കുന്ന പ്രതിയെ നാടുകടത്തി കേരളത്തിലെ ഈ ഗ്രാമം

കാ​ളി​കാ​വ്: പ്രായപൂർത്തിയായ പെൺകുട്ടികളെ മി​ഠാ​യി​ കൊടുത്തും, മൊബൈൽ ഫോൺ നൽകിയും ലൈംഗികമായി പീഡിപ്പിക്കുന്ന പ്രതിയെ നാടുകടത്തി കാ​ളി​കാ​വ്​ ഗ്രാമം. പൊ​ലീ​സ് സ്​​റ്റേ​ഷ​ന്‍ പ​രി​ധി​യി​ലെ ചെ​ങ്കോ​ട് തൊ​ണ്ടി​യി​ല്‍ വി. ​സു​ഫൈ​ലി​ന്​ (30) എ​തി​രെ സാ​മൂ​ഹി​ക​വി​രു​ദ്ധ പ്ര​വ​ര്‍​ത്ത​ന​ങ്ങ​ള്‍ ത​ട​യ​ല്‍ നി​യ​മ​പ്ര​കാ​രമാണ് നാ​ടു​ക​ട​ത്ത​ലി​ന് ഉ​ത്ത​രവിട്ടത്.

Also Read:ചർമ്മസംബന്ധമായ അണുബാധ തടയാൻ കട്ടൻചായ

ജി​ല്ല പൊ​ലീ​സ് മേ​ധാ​വി​യു​ടെ സ്‌​പെ​ഷ​ല്‍ റി​പ്പോ​ര്‍​ട്ട് പ്ര​കാ​രം തൃ​ശൂ​ര്‍ മേ​ഖ​ല ഡെ​പ്യൂ​ട്ടി പൊ​ലീ​സ് ഇ​ന്‍​സ്‌​പെ​ക്ട​ര്‍ ജ​ന​റ​ലാ​ണ് ഉ​ത്ത​ര​വ് പുറത്തിറക്കിയത്. പ്രാ​യ​പൂ​ര്‍​ത്തി​യാ​കാ​ത്ത പെ​ണ്‍​കു​ട്ടി​ക​ളെ പ്ര​ണ​യം ന​ടിച്ചും മൊ​ബൈ​ല്‍ ഫോ​ണും മി​ഠാ​യി​യും ന​ല്‍​കി വ​ശീ​ക​രിച്ചും, ത​ട്ടി​ക്കൊ​ണ്ടു​പോവുകയും ലൈം​ഗി​ക​മാ​യി പീ​ഡി​പ്പി​പ്പിക്കുകയും ചെയ്തതിന് മൂ​ന്നു കേ​സു​കളാണ് യുവാവിന്റെ പേരിലുള്ളത്.

പ്രതിയായ സു​ഫൈ​ല്‍ ഒ​രു​വ​ര്‍​ഷം മ​ല​പ്പു​റം ജി​ല്ല​യി​ല്‍ പ്ര​വേ​ശി​ക്കു​ന്ന​ത്​ വി​ല​ക്കിയിട്ടുണ്ട്. ജി​ല്ല​യി​ല്‍ പ്ര​വേ​ശി​ക്ക​ണ​മെ​ങ്കി​ല്‍ ജി​ല്ല പോലീ​സ് മേ​ധാ​വി​യു​ടെ മു​ന്‍​കൂ​ര്‍ അ​നു​മ​തി വാ​ങ്ങ​ണം. അതേസമയം, പ്ര​തി ജി​ല്ല​യി​ല്‍ പ്ര​വേ​ശി​ക്കു​ന്ന​ത് ശ്ര​ദ്ധ​യി​ല്‍​പെ​ട്ടാ​ല്‍ അ​ടു​ത്തു​ള്ള പൊ​ലീ​സ് സ്​​റ്റേ​ഷ​നി​ലോ കാ​ളി​കാ​വ് പൊ​ലീ​സ് സ്​​റ്റേ​ഷ​നി​ലോ (04931- 257222, 9497947290) ജി​ല്ല സ്‌​പെ​ഷ​ല്‍ ബ്രാ​ഞ്ച് ഓ​ഫി​സി​ലോ (04832734993) അ​റി​യി​ക്ക​ണ​മെ​ന്നും ജി​ല്ല​യി​ല്‍ സ്ഥി​ര​മാ​യി കു​റ്റ​കൃ​ത്യ​ങ്ങ​ളി​ല്‍ ഉ​ള്‍​പ്പെ​ടു​ന്ന​വ​രെ നി​രീ​ക്ഷി​ച്ചു​വ​രു​ക​യാ​ണെ​ന്നും അ​വ​ര്‍​ക്കെ​തി​രെ​യും കാ​പ്പ നി​യ​മം ന​ട​പ്പാ​ക്കാ​ന്‍ റി​പ്പോ​ര്‍​ട്ട് സ​മ​ര്‍​പ്പി​ക്കു​മെ​ന്നും ജി​ല്ല പൊ​ലീ​സ് മേ​ധാ​വി അ​റി​യി​ച്ചു.