കോട്ടയ്ക്കൽ; 20 ലക്ഷം രൂപയുമായി യുവാവിനെ തിരഞ്ഞെടുപ്പ് പ്രത്യേക സ്‌ക്വാഡ് പിടികൂടിയിരിക്കുന്നു. ഇന്നലെ രാവിലെ എട്ടോടെ ദേശീയപാതയിലെ സ്വാഗതമാട്ട് പരിശോധന നടത്തുന്നതിനിടെ അതുവഴി വന്ന മാറാക്കര കല്ലാർമംഗലം കടക്കാടൻ അബ്ദുൽ സലാമിനെ (39) സംഘം ചോദ്യം ചെയ്യുന്നതിനിടെയാണ് പണം കണ്ടെടുത്തിരിക്കുന്നത്.
കോട്ടയ്ക്കൽ പൊലീസ് സ്റ്റേഷനിലെത്തി എണ്ണിത്തിട്ടപ്പെടുത്തിയശേഷം തുക ട്രഷറിയിൽ അടച്ചു. തിരൂരിൽനിന്നുളള ആദായ നികുതി ഉദ്യോഗസ്ഥരും സ്റ്റേഷനിലെത്തി യുവാവിനെ ചോദ്യം ചെയ്യുകയുണ്ടായി. വാഹന കച്ചവടം വഴി ലഭിച്ച പണമാണിതെന്നാണ് യുവാവ് അധികൃതർക്കു മുൻപാകെ നൽകിയ മൊഴി. തിരഞ്ഞെടുപ്പിനുശേഷം തുടർ നടപടികൾ സ്വീകരിക്കും.
Post Your Comments