സ്ലോ ഓവർ റേറ്റ്; ഇംഗ്ലണ്ടിന് പിഴ

ഇന്ത്യക്കെതിരായ നാലാം ടി20യിലെ തോൽവിയ്ക്ക് പിന്നാലെ ഇംഗ്ലണ്ട് ടീമിന് സ്ലോ ഓവർ റേറ്റിന്റെ പേരിൽ പിഴ. മാച്ച് ഫീയുടെ 20 ശതമാനമാണ് ഇംഗ്ലണ്ട് പിഴയായി അടക്കേണ്ടത്. ഐസിസി എലൈറ്റ് പാനൽ മാച്ച് റഫറിയായ ജവഗൽ ശ്രീനാഥാണ് ഇംഗ്ലണ്ട് ടീമിന് പിഴയിട്ടത്. നിശ്ചിത സമയത്ത് ഒരു ഓവർ കുറച്ചാണ് ഇംഗ്ലണ്ട് ടീം എറിഞ്ഞത്. തുടർന്ന് ഐസിസി ഇംഗ്ലണ്ടിന് പിഴയിട്ടത്.

ഇംഗ്ലണ്ട് ക്യാപ്റ്റൻ ഇയാൻ മോർഗൻ സ്ലോ ഓവർ റേറ്റിന്റെ പേരിൽ ഐസിസി ചുമത്തിയ പിഴ സമ്മതിച്ചുകൊണ്ട് ഐസിസിയുടെ വിചാരണ നേരിടേണ്ട ആവശ്യമില്ല. മത്സരത്തിൽ എട്ട് റൺസിന്റെ ജയം സ്വന്തമാക്കിയ ജയം സ്വന്തമാക്കിയ ഇന്ത്യ പരമ്പര 2-2ന് സമനിലയിലാക്കിയിരുന്നു. പരമ്പരയിലെ അവസാന മത്സരം നാളെ അഹമ്മദാബാദിൽ നടക്കും.