മൂന്നാം ഏകദിനം; ദക്ഷിണാഫ്രിക്കയ്‌ക്കെതിരെ ഇന്ത്യയ്ക്ക് മികച്ച സ്കോർ

ദക്ഷിണാഫ്രിക്കയ്‌ക്കെതിരായ മൂന്നാം ഏകദിനത്തിൽ ഇന്ത്യയ്ക്ക് മികച്ച സ്കോർ. ടോസ് നഷ്ടപ്പെട്ട് ബാറ്റിങ് ആരംഭിച്ച ഇന്ത്യ പൂനം റൗത്ത് (77), മിതാലി (36),ഹർമ്മൻപ്രീത് കൗർ (36), ദീപ്തി ശർമ്മ (36*) എന്നിവരുടെ ബാറ്റിങ് മികവിൽ അഞ്ച് വിക്കറ്റ് നഷ്ടത്തിൽ 248 എന്ന പൊരുതാനുള്ള സ്കോർ നേടി. ഇന്ത്യയുടെ ഓപ്പണർ സ്‌മൃതി മന്ഥന (25), സുഷമ വർമ്മ (14) ഇന്ത്യയ്ക്കായി ചെറിയ സംഭാവനകൾ നൽകി. ജെമീമ റോഡ്രിഗസ് പൂജ്യത്തിന് പുറത്താവുകയായിരുന്നു.

റൗത്ത് – മിതാലി കൂട്ടുകെട്ടാണ് തുടക്കം പാളിയ ഇന്ത്യയെ തിരികെ മത്സരത്തിലേക്ക് കൊണ്ടുവന്നത്. ദക്ഷിണാഫ്രിക്കയ്ക്കായി ഷബ്നിം ഇസ്മായിൽ 2 വിക്കറ്റ് നേടി. മറുപടി ബാറ്റിങിനിറങ്ങിയ ദക്ഷിണാഫ്രിക്ക 15 ഓവർ പിന്നിടുമ്പോൾ ഒരു വിക്കറ്റ് നഷ്ടത്തിൽ 60 റൺസ് എന്ന നിലയിലാണ്. ദീപ്തിയുടെ ബൗളിങ്ങിൽ ലോറ വോൾവാർഡിന്റെ വിക്കറ്റാണ് ദക്ഷിണാഫ്രിക്കയ്ക്ക് നഷ്ടമായത്.