ചാമ്പ്യ​ന്‍​മാ​രെ വീ​ഴ്ത്തി കടം വീട്ടി ചെന്നൈ സൂപ്പർ കിങ്‌സ്

അബുദാബി: ഐപിഎല്ലിന് യുഎഇ മണ്ണിൽ ആവേശോജ്വല തുടക്കം. ചാമ്പ്യ​ന്‍​മാ​രായ മും​ബൈ ഇ​ന്ത്യ​ന്‍​സി​നെ അ​ഞ്ച് വി​ക്ക​റ്റി​ന് ​ചെന്നൈ സൂ​പ്പ​ര്‍ കിം​ഗ്സ് പ​രാ​ജ​യ​പ്പെ​ടു​ത്തി. മും​ബൈ ഉ​യ​ര്‍​ത്തി​യ 163 റ​ണ്‍​സ് വി​ജ​യ​ല​ക്ഷ്യം നാ​ല് പ​ന്തു​ക​ള്‍ ബാ​ക്കി​നി​ല്‍​ക്കെയാണ് ചെന്നൈ മറികടന്നത്. അ​ര്‍​ധ​സെ​ഞ്ചു​റി​യു​മാ​യി ക​ളം​നി​റ​ഞ്ഞ അ​മ്ബാ​ട്ടി റാ​യി​ഡു​വും (71) ഡു ​പ്ലെ​സി​യും (പു​റ​ത്താ​കാ​തെ 58) ചേ​ര്‍​ന്നാണ് ചെന്നൈയെ വിജയത്തിലെത്തിച്ചത്. നേരത്തെ, ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ മുംബൈ നിശ്ചിത 20 ഓവറിൽ ഒൻപത് വിക്കറ്റ് നഷ്ടത്തിലാണ് 162 റൺസെടുത്തത്. സൗരഭ് തിവാരി 31 പന്തിൽ മൂന്നു ഫോറും ഒരു സിക്സും സഹിതം 42 റൺസെടുത്ത് ടോപ് സ്കോററായി. ക്വിന്റൻ ഡികോക്ക് 20 പന്തിൽ അഞ്ച് ഫോറുകൾ സഹിതം 33 റൺസെടുത്തു.

Read also: ബാണാസുര സാ​ഗര്‍ ഡാമിന്റെ ഷട്ടര്‍ തിങ്കളാഴ്ച്ച തുറക്കും

ചെ​ന്നൈ​യു​ടെ തു​ട​ക്കം ത​ക​ര്‍​ച്ച​യോ​ടെ​യാ​യി​രു​ന്നു. ഇ​ന്നിം​ഗ്സി​ലെ ആ​ദ്യ ഓ​വ​റി​ന്‍റെ അ​വ​സാ​ന പ​ന്തി​ല്‍ ട്രെ​ന്‍റ് ബോ​ള്‍​ട്ട് ചെ​ന്നൈ ഓ​പ്പ​ണ​ര്‍ ഷെ​യ്ന്‍ വാ​ട്സ​ണെ വി​ക്ക​റ്റി​നു മു​ന്നി​ല്‍ കു​ടു​ക്കി. അ​ഞ്ച് പ​ന്തി​ല്‍ നാ​ല് റ​ണ്‍​സ് ആ​യി​രു​ന്നു വാ​ട്സൻ നേടിയത്. മൂന്നാം വിക്കറ്റിൽ 14 ഓവർ ക്രീസിൽനിന്ന അമ്പാട്ടി റായുഡു – ഫാഫ് ഡുപ്ലേസി സഖ്യം പടുത്തുയർത്തിയത് 115 റൺസ് ആണ്. റായുഡു 48 പന്തിൽ ആറു ഫോറും മൂന്നു സിക്സും സഹിതം 71 റൺസെടുത്തു. റായുഡുവിന് പിന്നാലെ രവീന്ദ്ര ജഡേജ അഞ്ച് പന്തിൽ 10 റൺസുമായി മടങ്ങിയെങ്കിലും സ്ഥാനക്കയറ്റം കിട്ടിയെത്തിയ സാം കറൻ ആറു പന്തിൽ രണ്ടു സിക്സും ഒരു ഫോറും സഹിതം 18 റണ്‍സെടുത്ത് ചെന്നൈയെ വിജയത്തിലേക്ക് നയിച്ചു.