രോഹിത് ശർമ്മയുടെ പുറത്താകൽ ആഘോഷിച്ചു: സി.എസ്.കെ ആരാധകനെ തല്ലിക്കൊന്ന് മുംബൈ ഇന്ത്യൻസിന്റെ ആരാധകർ

കോലാപ്പൂർ: നടന്നുകൊണ്ടിരിക്കുന്ന ഐപിഎൽ മത്സരവുമായി ബന്ധപ്പെട്ട് ഓരോ ടീമിന്റെയും ഫാൻസുകാർ പരസ്പരം കളിയാക്കലുകൾ ഉണ്ടാകാറുണ്ട്. തങ്ങളുടെ പ്രിയപ്പെട്ട ടീമുകളുടെ വിജയങ്ങളും പരാജയങ്ങളുംആരാധകർ ചർച്ച ചെയ്യുന്നു. എന്നാൽ, അത്തരമൊരു ചർച്ച ഒരാളുടെ മരണത്തിലാണ് കലാശിച്ചത്. രോഹിത് ശര്‍മ്മയുടെ പുറത്താകല്‍ ആഘോഷിച്ചതിന് 63 കാരനായ ചെന്നൈ സൂപ്പര്‍ കിംഗ്സ് ആരാധകനെ എതിരാളികള്‍ തല്ലിക്കൊന്നു. മാര്‍ച്ച് 27-ന് കോഹ്ലാപൂരിലെ ഹന്‍മന്ത്വാഡിയിലാണ് സംഭവം. ഹൻമന്ത്വാഡി സ്വദേശി ബന്ദോപന്ത് ബാപ്പുസോ ടിബിലെ (63) ആണ് മരിച്ചത്. ഹൻമന്ത്‌വാഡി സ്വദേശികളും സുഹൃത്തുക്കളുമായ ബൽവന്ത് മഹാദേവ് ജൻജാഗെ (50), സാഗർ സദാശിവ് ഝാഞ്ജഗെ (35) എന്നിവരെ പോലീസ് അറസ്റ്റ് ചെയ്തത്.

മാർച്ച് 27 നായിരുന്നു സംഭവം. ഹൈദരാബാദിലെ രാജീവ് ഗാന്ധി ഇൻ്റർനാഷണൽ ക്രിക്കറ്റ് സ്റ്റേഡിയത്തിൽ മുംബൈ ഇന്ത്യൻസും സൺറൈസേഴ്സ് ഹൈദരാബാദും തമ്മിൽ നടന്ന ഐ.പി.എൽ മത്സരമാണ് എല്ലാത്തിനും തുടക്കം. മൂന്ന് പേരും ഒരുമിച്ചിരുന്നായിരുന്നു ടി.വിയിൽ മത്സരം കണ്ടത്. പ്രതികളായ ബൽവന്ത് ജൻജാഗെയും സാഗർ ഝാഞ്ചാഗെയും മുംബൈ ഇന്ത്യൻസിൻ്റെ ആരാധകരാണ്. മത്സരത്തിനിടെ ഹൈദരാബാദ് കൂറ്റൻ സ്‌കോർ ടേബിൾ ചെയ്തു, അവർ ഇതിൽ തൃപ്തരായില്ല.

മുംബൈ ഇന്ത്യൻസിൻ്റെ രോഹിത് ശർമ്മ പുറത്തായപ്പോൾ ചെന്നൈ സൂപ്പർ കിംഗ്‌സിൻ്റെ ആരാധകനായ ബന്ദോപന്ത് ടിബിലെ ആഘോഷം തുടങ്ങി. രോഹിത് ശർമ്മ പുറത്തായതിനാൽ മുംബൈ ഇന്ത്യൻസിന് ഇപ്പോൾ ജയിക്കാനാവില്ലെന്നും അദ്ദേഹം പറഞ്ഞു. രോഷാകുലരായ ബൽവന്ത് ജൻജാഗെയും സാഗർ ഝാഞ്ജഗെയും ചേർന്ന് യുവാവിനെ വടികൊണ്ട് തലയ്ക്കടിച്ചു. സംഭവത്തിൽ ഗുരുതരമായി പരിക്കേറ്റ ടിബിൽ സംഭവസ്ഥലത്ത് തന്നെ ബോധരഹിതനായി. ഉടൻ തന്നെ ആശുപത്രിയിൽ എത്തിച്ചു. എന്നാൽ ചികിത്സയിലിരിക്കെ മാർച്ച് 31ന് അദ്ദേഹം മരണത്തിന് കീഴടങ്ങി.

അതേസമയം, രാജീവ് ഗാന്ധി സ്റ്റേഡിയത്തില്‍ നടന്ന ചരിത്രപരമായ പോരാട്ടത്തില്‍, ഐപിഎല്‍ എക്കാലത്തെയും ഉയര്‍ന്ന സ്‌കോറായ 277/3 എന്ന സ്‌കോര്‍ ഉയര്‍ത്തിയ എസ്ആര്‍എച്ചിനെതിരെ എംഐ 31 റണ്‍സിന്റെ തോല്‍വി ഏറ്റുവാങ്ങിയിരുന്നു.