
മാവേലിക്കര: റോഡിൽ രാത്രിയിൽ മാരകായുധങ്ങളുമായി ഭീകരാന്തരീക്ഷം സൃഷ്ടിച്ച യുവാക്കൾ അറസ്റ്റിൽ. ഭരണിക്കാവ് കട്ടച്ചിറ മുറിയിൽ ചരിവ് പറമ്പിൽ മുഹമ്മദ് നാഫിൽ( 21), ഭരണിക്കാവ് മഞ്ഞാടിത്തറ മുറിയിൽ നിതിൻ (20)എന്നിവരാണ് അറസ്റ്റിലായത്.
കറ്റാനം ജംഗ്ഷന് സമീപം ഇല്ലത്ത്മുക്ക്-തഴവാമുക്ക് റോഡിലായിരുന്നു നാട്ടുകാരെ പരിഭ്രാന്തിയിലാഴ്ത്തി യുവാക്കൾ മാരകായുധങ്ങളുമായെത്തിയത്. വടിവാൾ കറക്കിയും വാൾ റോഡിലുരസി തീ പാറിച്ചും നാറിലും നിതിനും ഭീകരാന്തരീക്ഷം സൃഷ്ടിച്ചു. കത്തി വീശി നാട്ടുകാരെ ഭീഷണിപ്പെടുത്തുകയും ചെയ്തു.
കുറത്തികാട് പൊലീസാണ് യുവാക്കളെ അറസ്റ്റ് ചെയ്തത്. കുറത്തികാട് പൊലീസ് സ്റ്റേഷൻ ഇൻസ്പെക്ടർ എസ്എച്ച്ഒ പി.കെ. മോഹിതിന്റെ നേതൃത്വത്തിൽ സബ് ഇൻസ്പെക്ടർ ഉദയകുമാർ വി, എസ്ഐ രജീന്ദ്രദാസ്, അരുൺകുമാർ എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്.
Post Your Comments