കുവൈറ്റ്: കുവൈറ്റില്‍ കഴിഞ്ഞ ദിവസവും കോവിഡ് ബാധിതരെക്കാൾ കൂടുതൽ രോഗമുക്തർ. കഴിഞ്ഞ ദിവസം രാജ്യത്ത് 551 പേര്‍ക്കാണ് രോഗം സ്ഥിരീകരിച്ചത്. 908 പേര്‍ രോഗ മുക്തി നേടി. ആകെ കോവിഡ് ബാധിതരുടെ എണ്ണം 44,942 ആണ്. താമസമേഖലയിൽ റിപ്പോർട്ട് ചെയ്‌ത പുതിയ കേസുകൾ സഅദ് അബ്ദുല്ല 21 പേര്‍ , ജിലീബ് അല്‍ ഷുയൂഖ് 20 പേര്‍, തൈമ 23 പേര്‍, സബാഹ് സാലെം 18 പേര്‍, സാല്‍മിയ 18 പേര്‍ എന്നിങ്ങനെയാണ്.
വിവിധ ആശുപത്രികളില്‍ ചികിത്സയിലായിരുന്ന നാലുപേര്‍ ഇന്നലെ മരണമടഞ്ഞു. വൈറസ് ബാധയേറ്റ് രാജ്യത്ത് മരണമടഞ്ഞവരുടെ എണ്ണം ഇതോടെ 348 ആയി. ആകെ രോഗം മുക്തി നേടിയവരുടെ എണ്ണം 35,494 ആയി. 9100 പേരാണ് ഇപ്പോള്‍ ചികില്‍സയില്‍ കഴിയുന്നത്. 149 പേര്‍ തീവ്ര പരിചരണ വിഭാഗത്തില്‍ കഴിയുന്നുണ്ട്‌.
Post Your Comments