കോഴിക്കോട്: കാരശ്ശേരിയിൽ മോഷണകേസ് പ്രതിയെ പിടികൂടാനെത്തിയ പൊലീസുകാർക്ക് വെട്ടേറ്റു. വയനാട് കൽപ്പറ്റയിൽനിന്നും മോഷണം പോയ കാർ മോഷണ കേസിലെ പ്രതിയായ, കാരശ്ശേരി വലിയ പറമ്പ് സദേശി അർഷാദിനേ പിടികൂടാനെത്തിയ പോലീസുകാർക്കാണ് പരിക്കേറ്റത്.
വയനാട് എസ്പിയുടെ സ്‌ക്വാഡ് അംഗങ്ങളായ ശാലു , നൗഫൽ എന്നിവർക്കായിരുന്നു വെട്ടേറ്റത്. അർഷാദും ഉമ്മയുമാണ് പൊലീസുകാരെ വെട്ടിപരിക്കേൽപ്പിച്ചത്. ഇന്ന് വൈകിട്ട് 3.30-ന് പ്രതിയുടെ വീട്ടിൽ വച്ചായിരുന്നു സംഭവം. വിപിൻ എന്ന പോലീസുകാരൻ കുറച്ച് ദൂരെ ആയിരുന്നതിനാൽ വെട്ടേൽക്കാതെ രക്ഷപെട്ടു.
ആക്രമണത്തിൽ രണ്ട് പൊലീസുകാരുടെയും കൈയിലാണ് വെട്ടേറ്റത്. വെട്ടേറ്റ പൊലീസുകാരെ മുക്കം കെഎംസിടി മെഡിക്കൽ കോളേജിൽ എത്തിച്ചു.
Post Your Comments