കൊല്‍ക്കത്ത: മാസ്ക് ധരിക്കാത്തതിനാൽ ഭിന്നശേഷിക്കാരനായ മകനെ പിതാവ് കൊലപ്പെടുത്തി. വീട്ടില്‍ നിന്ന് പുറത്തിറങ്ങുമ്പോൾ മകന്‍ മാസ്ക് ധരിക്കാത്തതിനെ തുടര്‍ന്നുണ്ടായ തര്‍ക്കത്തിനൊടുവില്‍ ആണ് മകനെ പിതാവ് കൊലപ്പെടുത്തിയത്. വടക്കന്‍ കൊല്‍ക്കത്തയില്‍ ശനിയാഴ്ചയാണ് സംഭവം. 78കാരനായ ബന്‍ഷിധര്‍ മല്ലിക് ആണ് മകന്‍ സിര്‍ഷെന്ദു മല്ലിക്കിനെ(45) തുണി ഉപയോഗിച്ച്‌ ശ്വാസം മുട്ടിച്ച്‌ കൊലപ്പെടുത്തിയത്.
കൊലപാതകത്തെ തുടര്‍ന്ന് രാത്രി ഏഴു മണിയോടെ ഇയാള്‍ ശ്യാംപുകുര്‍ പൊലീസ് സ്റ്റേഷനില്‍ കീഴടങ്ങുകയായിരുന്നു. പൊലീസ് പ്രതിയെ അറസ്റ്റ് ചെയ്യുകയും കൊലപാതക കേസ് രജിസ്റ്റര്‍ ചെയ്ത് അന്വേഷണം ആരംഭിക്കുകയും ചെയ്തു.
ബന്‍ഷിധര്‍ മല്ലികും മകനും തമ്മില്‍ നല്ല ബന്ധത്തിലായിരുന്നില്ലെന്നും ഇരുവരും സ്ഥിരമായി തര്‍ക്കത്തില്‍ ഏര്‍പ്പെടാറുണ്ടായിരുന്നുവെന്നും പൊലീസ് പറയുന്നു. ഇടക്കിടെ വീട്ടില്‍ നിന്ന് പുറത്തേക്ക് ഇറങ്ങി പോകുന്ന മകനോട് പിതാവ് മാസ്ക് ധരിക്കാന്‍ ആവശ്യപ്പെടാറുണ്ടായിരുന്നു. എന്നാല്‍ ഇത് അനുസരിക്കാന്‍ മകന്‍ തയാറല്ലായിരുന്നു.
Post Your Comments