ഒറ്റപ്പാലം : അവധി ചോദിച്ച അധ്യാപികയെ അസഭ്യം പറഞ്ഞെന്ന പരാതിയിൽ പ്രധാനാധ്യാപകന്‍ പിടിയിൽ. ഒറ്റപ്പാലം എസ്‍ഡിവിഎംഎഎല്‍പി സ്കൂളിലെ ഹെഡ് മാസ്റ്റർ ഉദുമാൻ കുട്ടിയെ ആണ് സ്ത്രീത്വത്തെ അപമാനിച്ചത് ഉൾപ്പെടെയുള്ള വകുപ്പുകൾ പ്രകാരം ഒറ്റപ്പാലം പോലീസ് അറസ്റ്റ് ചെയ്തത്. ഉച്ചയ്ക്കുശേഷം അവധിവേണമെന്ന് ആവശ്യപ്പെട്ടപ്പോഴായിരുന്നു പ്രധാനാധ്യാപകന്റെ അസഭ്യം വർഷം. ഇതുകേട്ട് കുഴഞ്ഞുവീണ അധ്യാപികയെ ഒറ്റപ്പാലം താലൂക്കാശുപത്രിയിൽ പ്രവേശിപ്പിക്കുകയും പിന്നീട് അസഭ്യം വിളിച്ച വോയ്സ് ക്ലിപ്പ് ഉൾപ്പെടെ പരാതി നൽകുകയായിരുന്നുവെന്നാണ് റിപ്പോർട്ട്. കൂടുതൽ വിവരങ്ങള്‍ ലഭ്യമായിട്ടില്ല.
Post Your Comments