പ്രവാസികൾക്ക് സന്തോഷിക്കാം ; ഈ ഗൾഫ് രാജ്യത്തേക്ക് വിമാന സർവീസ് ആരംഭിക്കാൻ ഒരുങ്ങി ഇൻഡിഗോ

കുവൈറ്റ് : പ്രവാസികൾക്ക് സന്തോഷിക്കാം. കുവൈറ്റിലേക്ക് വിമാന സർവീസ് ആരംഭിക്കാൻ ഒരുങ്ങി ഇൻഡിഗോ. തിങ്കളാഴ്ച ചെന്നൈ-കുവൈത്ത് റൂട്ടിലാണ് ആദ്യ സർവീസ്. നവംബർ രണ്ടിന് അഹമ്മദാബാദ്-കുവൈത്ത്, കൊച്ചി-കുവൈത്ത് റൂട്ടുകളിലും സർവീസ് ആരംഭിക്കും. നവംബർ 30 വരെ 30 കിലോ ബാഗേജ് അലവൻസ് ഉണ്ടാകുമെന്നും കണ്ണൂരിൽ നിന്നുള്ള സർവീസിനും താൽപര്യമുണ്ടെന്നും ഇൻഡിഗോ ചീഫ് പ്ലാനിങ് ഓഫിസർ മൈക്കിൾ ആന്റണി സ്വാതക് അറിയിച്ചു. കൂടാതെ കുവൈറ്റിലേക്ക് പത്താമതു രാജ്യാന്തര സർവീസ് ആണു ഇൻഡിഗോ എയർലൈൻസ് ആരംഭിക്കുന്നത്. 190 വിമാനങ്ങളുള്ള ഇൻഡിഗോ 60 നഗരങ്ങളിലേക്കു പ്രതിദിനം 1200 സർവീസുകൾ നടത്തുന്നതായും അദ്ദേഹം പറഞ്ഞു. ഇൻഡിഗോയുടെ കുവൈത്ത് ജി‌എസ്‌എ സീസേഴ്സ് ട്രാവൽ ഗ്രൂപ്പ് സി‌ഇ‌ഒ പി‌.എൻ‌.ജെ.കുമാറും വാർത്താസമ്മേളനത്തിൽ പങ്കെടുത്തു.