അബുദാബി: പാര്‍ക്കിങ്ങില്‍ നിര്‍ത്തിയിട്ട വാഹനത്തില്‍ അകപ്പെട്ട ബാലികയെ രക്ഷിച്ച് അബുദാബി പോലീസ്. യാസ് ഐലന്‍ഡിലെ അല്‍ബന്ദര്‍ ഏരിയയിലാണ് സംഭവം. കുട്ടി വാഹനത്തിന്റെ പിറകിലെ സീറ്റിലുള്ള കാര്യം മറന്ന പിതാവ് വാഹനം പൂട്ടിപോകുകയായിരുന്നു. കാറിൽ കുട്ടി ഉണ്ടെന്ന് മനസിലായ ഒരാൾ പോലീസിനെ വിവരമറിയിച്ചതോടെയാണ് പോലീസെത്തി കുട്ടിയെ രക്ഷിച്ചത്. വാഹനത്തിന്റെ ചില്ല് തകര്‍ത്താണ് ബാലികയെ പുറത്തെടുത്തത്.
Read also: സാഹസികമായി അപകടം ഒഴിവാക്കി; അഭിനന്ദനങ്ങൾ ഏറ്റുവാങ്ങി അബുദാബി പോലീസ്
കുട്ടികളെ തനിച്ച് വാഹനത്തിലിരുത്തി പോകുന്നത് അത്യന്തം അപകടകരമാണെന്നും ഇത്തരം അശ്രദ്ധയ്ക്ക് വന്‍ വില കൊടുക്കേണ്ടിവരുമെന്നും അബുദാബി പൊലീസിലെ സെന്‍ട്രല്‍ ഓപറേഷന്‍ വിഭാഗം ഡയറക്ടര്‍ മേജര്‍ ജനറല്‍ അലി ഖല്‍ഫാന്‍ അല്‍ ദാഹിരി വ്യക്തമാക്കി. ശുദ്ധവായുകിട്ടാതെ കുട്ടി മരണപ്പെടുമായിരുന്നുവെന്നും പൊലീസ് സൂചിപ്പിച്ചു.
Post Your Comments