സംസ്ഥാനത്ത് മെഡിക്കല്‍ പ്രവേശനം; വിശദവിവരങ്ങൾ ഇങ്ങനെ

തിരുവനന്തപുരം: സംസ്ഥാനത്ത് മെഡിക്കല്‍ പ്രവേശനത്തിന്റെ സ്പോട്ട് അഡ്മിഷന്‍ ഇന്നും നാളെയുമായി നടത്തും. ഉയര്‍ന്ന റാങ്കിലുള്ള 93 സീറ്റുകളില്‍ മാറ്റമുണ്ടാകില്ല. പ്രവേശനം സ്റ്റേ ചെയ്ത 4 മെഡിക്കല്‍ കോളജുകളെ ഒഴിവാക്കിയാകും മോപ് അപ് കൌണ്‍സിലിങ് നടക്കുക. തൊടുപുഴ അല്‍ അസ്ഹര്‍, ഡി.എം മെഡിക്കല്‍ കോളജ് വയനാട്, പി.കെ ദാസ് കോളജ് പാലക്കാട്, എസ്.ആര്‍ വര്‍ക്കല എന്നീ കോളജുകളുടെ പ്രവേശനമാണ് സ്റ്റേ ചെയ്തിട്ടുള്ളത്.

ALSO READ: മെഡിക്കല്‍ പ്രവേശന നടപടികള്‍ നീട്ടി

ബാക്കിയുള്ള കോളജുകളിലെ ഒഴിവുള്ള സീറ്റുകളിലേക്കാണ് ഇന്നും നാളെയുമായി പ്രവേശനം നടത്തുന്നത്. 71 മെഡിക്കല്‍ സീറ്റുകളിലേക്ക് പ്രവേശനം നടക്കുക. ഈ മാസം 4,5 തിയതികളില്‍ സ്പോട്ട് അഡ്മിഷന്‍ പൂര്‍ത്തിയാക്കിയിരുന്നു. എന്നാല്‍ അടിസ്ഥാന സൌകര്യങ്ങളില്ലെന്ന് ചൂണ്ടിക്കാണിച്ച്‌ 4 മെഡിക്കല്‍ കോളജിലെ പ്രവേശനം സുപ്രീംകോടതി സ്റ്റേ ചെയ്യുകയായിരുന്നു. മറ്റ് കോളേജുകളിലെ ഒഴിവുള്ള സീറ്റുകളിലേക്ക് ഈ മാസം പത്തിന് മുൻപ് അഡ്മിഷന്‍ പ്രക്രിയ പൂര്‍ത്തിയാക്കണമെന്നാണ് മെഡിക്കല്‍ കൌണ്‍സില്‍ ഓഫ് ഇന്ത്യയുടെ നിര്‍ദേശം