ന്യൂഡല്‍ഹി: ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസില്‍ (എഐഐഎംഎസ്) രാത്രിയില്‍ അപ്രതീക്ഷിത സന്ദര്‍ശനവുമായി പ്രധാനമന്ത്രി നരേന്ദ്രമോദി. എഐഐഎംഎസില്‍ ചികിത്സയിലുള്ള മുതിര്‍ന്ന ബിജെപി നേതാവ് എ.ബി.വാജ്‌പേയിയുടെ ആരോഗ്യ വിവരം അന്വേഷിക്കാനായാണ് അദ്ദേഹം രാത്രിയില്‍ ആശുപത്രിയിലെത്തിയത്.
Also Read : വാജ്‌പേയിയെ പ്രകീര്‍ത്തിച്ച് മോദി
ഞായറാഴ്ച രാത്രി ഒന്‍പതോടെ എഐഐഎംഎസില്‍ അപ്രതീക്ഷിതമായിട്ടെത്തിയ പ്രധാനമന്ത്രി 20 മിനുറ്റോളം ആശുപത്രിയില്‍ ചെലവിട്ടു. 93 വയസ്സുള്ള വാജ്‌പേയിയെ ജൂണ്‍ 11നാണ് ആശുപത്രിയില്‍ പ്രവേശിപ്പിച്ചത്.
കാര്‍ഡിയോ-തൊറാസിക് സെന്ററിലെ ഐസിയുവിലാണ് ഇപ്പോഴും അദ്ദേഹമുള്ളത്. ആരോഗ്യനില തൃപ്തികരമാണെന്ന് കഴിഞ്ഞയാഴ്ച ഔദ്യോഗികമായി അറിയിച്ചിരുന്നു. അതേസമയം വാജ്‌പേയിയുടെ ആരോഗ്യസ്ഥിതി സംബന്ധിച്ചു പുതിയ വിവരങ്ങളൊന്നും എഐഐഎംഎസ് അധികൃതര്‍ പുറത്തുവിട്ടിട്ടില്ല.
Post Your Comments