സ്മാര്‍ട്ട് ഫോണ്‍ വിപണിയില്‍ തരംഗമാകാൻ എംഐ ഫാൻ ഫെസ്റ്റിവലുമായി ഷവോമി. ഏപ്രില്‍ അഞ്ച്, ആറ് തീയതികളിലാണ് ഫെസ്റ്റിവൽ ഒരുക്കിയിരിക്കുന്നത്. ഈ രണ്ടു ദിവസത്തെ വില്‍പ്പനയില്‍ സ്മാര്‍ട് ഫോണുകള്‍ക്ക് വമ്പന്‍ ഓഫറുകളാണ് ഷവോമി നല്‍കുന്നത്. ഷവോമിയുടെ ഔദ്യോഗിക വെബ്‌സൈറ്റിലും ആപ്പിലുമാണ് വിൽപ്പന നടക്കുക. സ്മാർട് ഫോണുകൾ, വെയറബിൾസ്, മറ്റു ഡിവൈസുകൾ എന്നിവ ഓഫറിലൂടെ ലഭ്യമാകും.
Read Also: ഗുരുവായൂര്‍ ക്ഷേത്ര പ്രവേശനം സംബന്ധിച്ച് യേശുദാസിന്റെ ഇപ്പോഴത്തെ നിലപാട് ഇങ്ങനെ
മാര്‍ച്ച് 31 മുതല്‍ മ്യൂസിക് ഡോട്ട് ലിയുമായി സഹകരിച്ച് എംഐ മിക്‌സ് 2 എസ് നേടാനുള്ള അവസരം ഒരുക്കിയിട്ടുണ്ട്. ഫേസ്ബുക്കിലൂടെ നിശ്ചിത ലൈക്കുകള്‍ സ്വന്തമാക്കിയാൽ എംഐ ബാന്‍ഡ് ഫ്രീയായി ലഭിക്കും. ഏകദേശം 40 ലക്ഷം രൂപയുടെ ഡിസ്‌കൗണ്ട് കൂപ്പണുകൾ ഷവോമി ഫെസ്റ്റിൽ വിതരണം ചെയ്യും. ടീം രൂപീകരിച്ച് ആ ടീമിലേക്ക് സുഹൃത്തുക്കളെ ചേർക്കുന്നവർക്ക് ഈ കൂപ്പൺ ലഭ്യമാകും.
Post Your Comments