തിരിച്ചടിച്ച് ഇൗജിപ്​ത്​; ലിബിയയിലെ ആറ്​ ഭീകര ക്യാമ്പുകൾക്ക്​ നേരെ ആ​ക്രമണം

കെ​യ്​റോ: കോപ്​റ്റിക് ക്രിസ്​ത്യാനികൾക്ക്​ നേരെ ആക്രമണം നടന്നതി​ന് പിന്നാലെ ലിബിയയിലെ ഭീകരർക്കെതിരെ ശക്​തമായ നടപടികളുമായി ഇൗജിപ്​ത്​. ലിബിയയിലെ ഡെർനയി​ൽ ആറ്​ ഭീകര ക്യാമ്പുകൾക്ക്​ നേരെ രാജ്യം ആ​ക്രമണം നടത്തിയെന്നാണ്​ റിപ്പോർട്ടുകൾ.

ആ​ക്രമണത്തിൽ കുട്ടികളുൾപ്പെടെ 28 പേ​ർ മ​രി​ച്ചു. 27 പേ​ർ​ക്ക്​ പ​രി​ക്കേ​റ്റു. ഭീകരാ​ക്രമണത്തിന്​ പിന്നാലെ ഇൗജിപ്​ത്​ അമേരിക്കൻ പ്രസിഡൻറ്​ ഡോണാൾഡ്​ ട്രംപി​ൻറെ സഹായവും അഭ്യർഥിച്ചിട്ടുണ്ട്​. വെള്ളിയാഴ്​ചയാണ്​ ഇൗ​ജി​പ്​​തി​ൽ കോ​പ്​​റ്റി​ക്​​ ക്രൈ​സ്​​ത​വ സ​ഭാം​ഗ​ങ്ങ​ൾ സ​ഞ്ച​രി​ച്ച ബ​സി​നു നേ​രെ​യു​ണ്ടാ​യ ഭീ​ക​രാ​ക്ര​മ​ണ​മുണ്ടായത്​.

മി​നി​യ ഗ​വ​ർ​ണ​റേ​റ്റി​ലെ സെൻറ്​ സാ​മു​വേ​ൽ മൊ​ണാ​സ്​​​ട്രി​യി​ലേ​ക്കു​ള്ള യാ​ത്ര​ക്കി​ടെ​ സൈ​നി​ക യൂ​നി​ഫോ​മി​ൽ മു​ഖം​മൂ​ടി ധ​രി​ച്ചെ​ത്തി​യ 10 ഭീ​ക​ര​ർ വെ​ടി​വെ​ക്കു​ക​യാ​യി​രു​ന്നു.