മു​ൻ​വി​രോ​ധ​ത്താ​ൽ യു​വാ​വി​നെ ആ​ക്ര​മി​ച്ച് കൊ​ല​പ്പെ​ടു​ത്താ​ൻ ശ്ര​മം: പ്രതി പിടിയിൽ

ശ​ക്തി​കു​ള​ങ്ങ​ര: മു​ൻ​വി​രോ​ധ​ത്താ​ൽ യു​വാ​വി​നെ ആ​ക്ര​മി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച പ്ര​തി അറസ്റ്റിൽ. ശ​ക്തി​കു​ള​ങ്ങ​ര ക​ന്നി​മേ​ൽ​ച്ചേ​രി പ​ണ്ടാ​ര​ഴി​ക​ത്ത് പ​ടി​ഞ്ഞാ​റ്റ​തി​ൽ മു​ജീ​ബാ​(31)ണ്​ അറസ്റ്റിലായത്. ശ​ക്തി​കു​ള​ങ്ങ​ര പൊ​ലീ​സാണ് പി​ടി​കൂടിയ​ത്.

Read Also : ചിക്കന്‍ വിഭവങ്ങളുടെ സുരക്ഷിതത്വം ഉറപ്പാക്കാന്‍ സ്പെഷ്യല്‍ ടാസ്‌ക് ഫോഴ്‌സിന്റെ പരിശോധന

ക​ഴി​ഞ്ഞ വെ​ള്ളി​യാ​ഴ്ച വൈ​കീ​ട്ട്​ മു​ജീ​ബ് അ​ട​ക്ക​മു​ള്ള പ്ര​തി​ക​ൾ മു​ല​ങ്ക​ര ജ​ന​ത പ്ര​സി​ന് സ​മീ​പം പ​രാ​തി​ക്കാ​ര​നാ​യ ജോ​ബി​നെ ആ​ക്ര​മി​ക്കു​ക​യാ​യി​രു​ന്നു. ജോ​ബി​ന്‍റെ ഭാ​ര്യ​വീ​ട്ടി​ലേ​ക്ക് പ്ര​തി​ക​ൾ ക​ല്ലെ​റി​ഞ്ഞ​ത് ചോ​ദ്യം​ ചെ​യ്യാ​ൻ വ​ന്ന​താ​ണെ​ന്നു​ ക​രു​തി​യാ​ണ് പ്ര​തി​ക​ൾ ആ​ക്ര​മി​ച്ച​ത്. ക​മ്പുകൊ​ണ്ടും പ​ട്ടി​ക​ക്ക​ഷ​ണം കൊ​ണ്ടു​മു​ള്ള ആ​ക്ര​മ​ണത്തി​ൽ പ​രാ​തി​ക്കാ​ര​ന് ത​ല​യി​ൽ പ​രി​ക്കേ​ൽ​ക്കു​ക​യും മു​ഖ​ത്തെ അ​സ്ഥി പൊ​ട്ടു​ക​യും ചെ​യ്തിട്ടുണ്ട്.

Read Also : പിണറായി സര്‍ക്കാരിന്റെ അഭിമാന പദ്ധതിയായ കെ-സ്മാര്‍ട്ട് 2024 ജനുവരി ഒന്നിന് : മുഖ്യമന്ത്രി പിണറായി വിജയന്‍

ശ​ക്തി​കു​ള​ങ്ങ​ര എ​സ്.​എ​ച്ച്.​ഒ അ​നൂ​പി​ന്‍റെ നേ​തൃ​ത്വ​ത്തി​ൽ എ​സ്.​ഐ​മാ​രാ​യ ആ​ശ, ഹു​സൈ​ൻ എ​സ്.​സി.​പി.​ഒ​മാ​രാ​യ അ​ബു​താ​ഹി​ർ, സി​ദി​ഷ്, ശ്രീ​കാ​ന്ത് എ​ന്നി​വ​ര​ട​ങ്ങി​യ പൊ​ലീ​സ്​ സം​ഘ​മാ​ണ് പ്ര​തി​യെ അ​റ​സ്​​റ്റ് ചെ​യ്ത​ത്. അറസ്റ്റിലായ പ്രതിയെ കോടതിയിൽ ഹാജരാക്കി.