കളിക്കളത്തിലെ മികച്ച പ്രകടനത്തിന് പുറമെ മാന്യമായ പെരുമാറ്റത്തിലും ജനപ്രീതി നേടി യുവരാജ്. ഐപിഎല്ലില്‍ ഡല്‍ഹി ഡയര്‍ ഡെവിള്‍സും സണ്‍റൈസേഴ്സ് ഹൈദരാബാദും തമ്മിലുളള മത്സരത്തിലാണ് മാന്യമായ പെരുമാറ്റത്തിലൂടെ യുവരാജ് ജനപ്രീതി നേടിയത്. ബാറ്റ് ചെയ്യുന്നതിനിടെ ഡല്‍ഹി താരം റിഷഭ് പന്തിന്റെ അഴിഞ്ഞുപോയ ഷൂലൈസ് കെട്ടിക്കൊടുത്താണ് യുവരാജ് ജനപ്രീതി നേടിയത്. ബാറ്റിങിനിടെ ഷൂ ലെയ്സ് അഴിഞ്ഞുപോയ റിഷഭ് ആരുടെയെങ്കിലും സഹായിത്തിനായി നോക്കിയപ്പോളാണ് യുവരാജ് അടുത്തെത്തി മുട്ടുകുത്തി നിന്ന് കൊണ്ട് ഷൂലെയ്സ് കെട്ടിക്കൊടുത്തത്.
യുവരാജ് ഷൂലെയ്സ് കെട്ടികൊടുക്കുന്ന ചിത്രം സമൂഹ മാധ്യമങ്ങളിൽ ഇതിനോടകം തന്നെ വൈറലായി കഴിഞ്ഞു. കളിക്കളത്തില്‍ ഏറ്റവും സീനിയറായ യുവരാജിന്റെ പെരുമാറ്റം ഒരു ക്രിക്കറ്റര്‍ എങ്ങനെയായിരിക്കണം എന്നതിന്റെ തെളിവാണെന്നാണ് ആരാധകര്‍ പറയുന്നു. ഇത് കൂടാതെ കൊല്‍ക്കത്ത നൈറ്റ് റൈഡേഴ്സിനെതിരായ മത്സരത്തില്‍ സിദ്ധാര്‍ത്ഥ് കൗളിനെ തോളുകൊണ്ടിടിച്ച റോബിന്‍ ഉത്തപ്പയ്ക്ക് ഉപദേശം നല്‍കിയും യുവി ആരാധക ശ്രദ്ധ പിടിച്ചുപറ്റിയിരുന്നു.
Post Your Comments