ന്യൂഡൽഹി: വൈദ്യപരിശോധനകൾക്കായി വിദേശത്തുപോയ കോൺഗ്രസ് അധ്യക്ഷ സോണിയ ഗാന്ധി തിരിച്ചെത്തി. സോണിയയുടെ ആരോഗ്യനില തൃപ്തികരമാണെന്ന് പാർട്ടി വൃത്തങ്ങൾ അറിയിച്ചു. വൈദ്യപരിശോധനയ്ക്കായി ഈമാസം ആദ്യമാണ് സോണിയ രാജ്യത്തിന് വെളിയിലേക്ക് യാത്രതിരിച്ചത്. പഞ്ചാബ് മുഖ്യമന്ത്രി അമരീന്ദറിന്‍റെ സത്യപ്രതിജ്ഞയിൽ പങ്കെടുത്തശേഷം കഴിഞ്ഞ 16 ന് രാഹുൽ ഗാന്ധിയും സോണിയയുടെ അടുത്തേക്ക് പോയിരുന്നു.
അടുത്തിടെ നടന്ന നിയമസഭാ തെരഞ്ഞെടുപ്പിൽ, പ്രചാരണരംഗത്തുനിന്ന് സോണിയ വിട്ടുനിന്നിരുന്നു. തെരഞ്ഞെടുപ്പിൽ പാർട്ടി നേരിട്ട കനത്ത പരാജയത്തെത്തുടർന്ന് പാർട്ടിയിൽ അഴിച്ചുപണി വേണമെന്ന ആവശ്യം ശക്തമാണ്. ഇതിനിടെയാണ് സോണിയ ഗാന്ധിയുടെ തിരിച്ചുവരവ്.
Post Your Comments