കൊച്ചി•പിങ്ക് പോലീസിന് പിങ്ക് നിറത്തിലുള്ള അടിവസ്ത്രം വാങ്ങി അയച്ച് കൊടുക്കുമെന്ന് രാഹുല്‍ പശുപാലന്‍. അഡ്രസ് വച്ച് തന്നെ അയക്കുമെന്നും അതിന്റെ പേരില്‍ എന്ത് ഭവിഷത്തും നേരിടാന്‍ തയ്യാറാണെന്നും രാഹുല്‍ ഫേസ്ബുക്ക്‌ പോസ്റ്റില്‍ വ്യക്തമാക്കി.
സ്ത്രീ സുരക്ഷയ്ക്കായി രൂപീകരിച്ച കേരള പോലീസ് വിഭാഗമായ പിങ്ക് പോലീസ് സദാചാര പോലീസായി മാറുന്നതായി വ്യാപകമായി ആരോപണം ഉയര്‍ന്നിരുന്നു. പ്രണയ ദിനത്തില്‍ ഒന്നിച്ചിരുന്ന യുവാക്കള്‍ക്ക് ഉപദേശങ്ങള്‍ നല്‍കിയും പിങ്ക് പോലീസ് വാര്‍ത്തകളില്‍ ഇടം നേടിയിരുന്നു. തിരുവനന്തപുരം മ്യൂസിയം, കനകക്കുന്ന് പ്രദേശത്താണ് പിങ്ക് പോലീസ് സദാചാര പോലീസ് ചമഞ്ഞ് ഒന്നിച്ചിരിക്കുന്ന യുവതീ യുവാക്കളെ ഓടിക്കുന്നത് പതിവായിരുന്നു. അതിനിടെ ഇന്ന് തോളില്‍ കൈയിട്ടിരുന്ന യുവതിയേയും യുവതിയേയും മ്യൂസിയം പോലീസ് അനാശാസ്യം ആരോപിച്ച് കസ്റ്റഡിയില്‍ എടുത്തിരുന്നു. ഇതില്‍ പ്രതിഷേധിച്ചാണ് രാഹുലിന്റെ പ്രഖ്യാപനം.
Post Your Comments