സിറിയ : ഐ.എസ് ലൈംഗിക അടിമകളാക്കിയ സ്ത്രീകളുടെ ദുരിതങ്ങള്‍ കുറച്ചൊക്കെ പുറം ലോകം അറിഞ്ഞു കഴിഞ്ഞു. എന്നാല്‍ വര്‍ഷങ്ങളായി ഐ.എസ് തടങ്കലില്‍ പാര്‍പ്പിച്ചിരിക്കുന്ന സ്ത്രീകളെക്കുറിച്ചുള്ള വിവരങ്ങള്‍ ആര്‍ക്കും അറിയില്ല. 13 വയസു മുതല്‍ 60 വയസുവരെ ഉള്ളവര്‍ ഇക്കുട്ടത്തില്‍ പെടുന്നു. ഇരുട്ടറകളിലാണ് ഇവരെ താമസിപ്പിച്ചിരിക്കുന്നത്. ഇരുമ്പുകൊണ്ടുള്ള വാതിലുകളും ജനലുകളും സൂര്യപ്രകാശം അല്‍പ്പം പോലും കടക്കാത്ത ചുവരുകള്‍.
ഇടുങ്ങിയ മുറിയില്‍ ഇവര്‍ക്ക് സ്വന്തമായുള്ളത് ഒരു തലയിണമാത്രം. കിടപ്പറയില്‍ വെച്ചിരിക്കുന്ന പാത്രത്തില്‍ വെള്ളവും ഭക്ഷണവും ഉണ്ടാകും. ഒന്നു രണ്ട് പുസ്തകങ്ങള്‍ ഇവരുടെ കിടക്കയില്‍ ഉണ്ട്. തീവ്രവാദികളുടെ കൈയില്‍ അകപ്പെട്ടു എന്ന് അറബിയില്‍ ചുവരില്‍ എഴുതി വെച്ചിരിക്കുന്നു. സ്ത്രീകള്‍ ഗര്‍ഭം ധരിക്കാതിരിക്കാന്‍ ഇവര്‍ക്ക് അമിതമായ ഗര്‍ഭനിരോധന ഗുളികകള്‍ നല്‍കുന്നു. ഐ.എസ് പുറത്തുവിട്ട വീഡിയോയില്‍ നിന്നാണ് ഇക്കാര്യങ്ങള്‍ മനസിലായത്.
Post Your Comments