മസാച്യൂസെറ്റ്‌സ്: സ്‌കൂളിലെ ടോയ്‌ലെറ്റില്‍ 14 കാരനായ വിദ്യാര്‍ത്ഥി അദ്ധ്യാപികയെ ബലാല്‍സംഗം ചെയ്തശേഷം കുത്തിക്കൊന്നു. മൂന്ന് വര്‍ഷം മുമ്പ് നടന്ന സംഭവത്തില്‍ വിദ്യാര്‍ത്ഥിയെ നാല്‍പ്പത് വര്‍ഷം തടവിന് ശിക്ഷിച്ചു.
ഫിലിപ് ചിസം എന്ന വിദ്യാര്‍ത്ഥിയാണ് കൊടും ക്രൂരകൃത്യം ചെയ്തതിന് ശിക്ഷിക്കപ്പെട്ടത്. അന്ന് 14 വയസ്സായിരുന്നു ഫിലിപ്പിന്. സ്‌കൂളിലെ അദ്ധ്യാപികയായിരുന്ന കോളിന്‍ റൂസറിനെ ടോയ്‌ലെറ്റിലിട്ട് ബലാല്‍സംഗം ചെയ്ത ശേഷം കുത്തിക്കൊന്ന പ്രതി മൃതദേഹം ഒരു ചവറ്റുകൊട്ടയിലാക്കി സ്‌കൂള്‍ ഗ്രൗണ്ടില്‍ കുഴിച്ചുമൂടുകയായിരുന്നു.
കഴിഞ്ഞ ഡിസംബറിലാണ് വിദ്യാര്‍ത്ഥി കുറ്റക്കാരനാണെന്ന് കോടതി കണ്ടെത്തിയത്. 16 തവണയിലേറെ ഫിലിപ്പ് അദ്ധ്യാപികയെ കുത്തി എന്നാണ് റിപ്പോര്‍ട്ടുകള്‍. മൃതദേഹങ്ങള്‍ വലിച്ചുകൊണ്ടുപോകുന്ന ദൃശ്യങ്ങള്‍ സിസിടിവിയില്‍ പതിഞ്ഞിരുന്നു. ചെകുത്താന്‍ എന്നാണ് കോളിന്റെ പിതാവ് വിദ്യാര്‍ത്ഥിയെ വിശേഷിപ്പിച്ചത്. നല്‍കിയ ശിക്ഷ കുറഞ്ഞുപോയെന്ന് അദ്ധ്യാപികയുടെ കുടുംബാംഗങ്ങള്‍ പരാതിപ്പെട്ടു.
വിദ്യാര്‍ത്ഥിക്ക് മാനസിക പ്രശ്‌നമുണ്ടെന്നായിരുന്നു അഭിഭാഷകന്‍ വാദിച്ചത്.
Post Your Comments