ഐ സി എം ആ‍ര്‍ പഠനം പുറത്ത്: രാജ്യത്തെ നാൽപ്പത് കോടി ജനങ്ങൾ ഇപ്പോഴും കോവിഡ് പിടിപെടാൻ സാധ്യതയുള്ളവരാണെന്ന് കണ്ടെത്തൽ

ദില്ലി: ഐ സി എം ആ‍ര്‍ സിറോ സര്‍വെ പഠന ഫലം പുറത്ത്. രാജ്യത്തെ നാല്‍പത് കോടി ജനങ്ങള്‍ ഇപ്പോഴും കൊവിഡ് പിടിപെടാന്‍ സാധ്യതയുള്ളവരെന്നാണ് റിപ്പോർട്ടിൽ പറയുന്നത്. എന്നാൽ രാജ്യത്തെ ജനസംഖ്യയുടെ മൂന്നില്‍ രണ്ടു വിഭാ​ഗത്തിലും കൊവിഡ് ആന്റി ബോഡി സാന്നിധ്യം കണ്ടെത്തിയിട്ടുണ്ട്.​ സിറോ സര്‍വേയില്‍ രാജ്യത്ത് 67 ശതമാനം പേരിലാണ് കോവിഡ് വന്നു പോയവരില്‍ കാണുന്ന ആന്റിബോഡി കണ്ടെത്തിയതെന്ന് ഫലം സൂചിപ്പിക്കുന്നു.

Also Read:ശിൽപാ ഷെട്ടിയുടെ ഭർത്താവ് രാജ് കുന്ദ്രയുടെ അറസ്റ്റ്: പ്രതികരണവുമായി കങ്കണ

ഇപ്പോഴും രാജ്യത്തെ ജനസംഖ്യയില്‍ മൂന്നില്‍ ഒരു ഭാഗം ആളുകൾക്ക് ആന്റിബോഡി സാന്നിധ്യമില്ലെന്നുള്ളതാണ് ഞെട്ടിക്കുന്ന വെളിപ്പെടുത്തൽ. അതായത് 40കോടിയിലേറെ പേര്‍ക്ക് ഇപ്പോഴും കൊവിഡ് പിടിപെടാനുള്ള സാധ്യതയുണ്ട്. അതുകൊണ്ട് തന്നെ ജാഗ്രതകൾ തുടരണമെന്നും വാക്‌സിനേഷൻ അധികരിപ്പിക്കണമെന്നും പഠനം സൂചിപ്പിക്കുന്നു.