കൊണ്ടോട്ടി: കാറിൽ കഞ്ചാവു കടത്താൻ ശ്രമിക്കുന്നതിനിടയിൽ 3 പേർ അറസ്റ്റിൽ. മഞ്ചേരി കരുവമ്പ്രം സ്വദേശികളായ പുല്ലൂർ ഉള്ളാട്ടിൽ അബൂബക്കർ (38), ചെവിട്ടൻ കുഴിയിൽ സൽമാൻ ഫാരിസ് (35), കണ്ണിയൻ മുഹമ്മദ് ജംഷീർ (31) എന്നിവരെയാണ് പിടികൂടിയത്.
ജില്ലാ ആന്റി നർകോട്ടിക് സ്ക്വാഡും കൊണ്ടോട്ടി പൊലീസും ചേർന്നാണ് പ്രതികളെ അറസ്റ്റ് ചെയ്തത്. കഞ്ചാവ് കടത്താൻ ഉപയോഗിച്ച കാർ കസ്റ്റഡിയിലെടുത്തു.
ജില്ലാ പൊലീസ് മേധാവി യു.അബ്ദുൽ കരീമിനു ലഭിച്ച രഹസ്യ വിവരത്തെത്തുടർന്ന് ഡിവൈഎസ്പിമാരായ ഹരിദാസൻ, പി.പി.ഷംസ് എന്നിവരുടെ നിർദേശ പ്രകാരമായിരുന്നു അന്വേഷണം.
Post Your Comments