പെ​ൺ​കു​ട്ടി​യെ ശ​ല്യം ചെ​യ്യാ​ൻ ശ്ര​മം, പൊ​ലീ​സ്​ ഉ​ദ്യോ​ഗ​സ്ഥ​നെ ആ​ക്ര​മി​ച്ചു: പ്ര​തി അറസ്റ്റിൽ

കൊ​ല്ലം: പെ​ൺ​കു​ട്ടി​യെ ശ​ല്യം ചെ​യ്യാ​ൻ ശ്ര​മി​ച്ചെ​ന്ന പ​രാ​തി​യി​ൽ പി​ടി​കൂ​ടാ​ൻ എ​ത്തി​യ പൊ​ലീ​സ്​ ഉ​ദ്യോ​ഗ​സ്ഥ​നെ ആ​ക്ര​മി​ച്ച കേ​സി​ൽ യു​വാ​വ്​ പൊ​ലീ​സ്​ പി​ടി​യി​ൽ. ശ​ക്തി​കു​ള​ങ്ങ​ര ക​ന്നി​മേ​ൽ​ചേ​രി പ്ര​ഞ്ചീ​ട്ട​തി​ൽ ബി​ബി​ൻ(24) ആ​ണ് പിടിയിലായത്. ശ​ക്തി​കു​ള​ങ്ങ​ര പൊ​ലീ​സാണ് പി​ടി​കൂടിയ​ത്.

ക​ഴി​ഞ്ഞ ചൊ​വ്വാ​ഴ്ച രാ​ത്രി 10 ഓ​ടെയാണ് സംഭവം. വ​ള്ളി​ക്കീ​ഴ് ജം​ങ്​​ഷ​ന് സ​മീ​പം യു​വാ​വ് പെ​ൺ​കു​ട്ടി​യെ ശ​ല്യ​പ്പെ​ടു​ത്തു​ന്ന​താ​യി വി​വ​രം ല​ഭി​ച്ച​തി​ന്‍റെ അ​ടി​സ്ഥാ​നത്തി​ൽ സം​ഭ​വ​സ്ഥ​ല​ത്തെ​ത്തി​യ പൊ​ലീ​സ്​ സം​ഘ​ത്തി​ലെ എ​സ്.​ഐ അ​ജ​യ​കു​മാ​റി​നെ​യാ​ണ് ഇ​യാ​ൾ ആ​ക്ര​മി​ച്ച് പ​രി​ക്കേ​ൽ​പ്പി​ച്ച​ത്.

Read Also : നവകേരള സദസിനിടെ നെഞ്ചുവേദന, വൈദ്യുതി വകുപ്പ് മന്ത്രി കെ കൃഷ്ണന്‍കുട്ടി ആശുപത്രിയില്‍

സം​ഭ​വ​ത്തെ​ക്കു​റി​ച്ച്​ ബി​ബി​നോ​ട് ചോ​ദി​ച്ച​തി​ലു​ള്ള വി​രോ​ധ​ത്തി​ൽ​ ഉ​ദ്യോ​ഗ​സ്ഥ​നെ മ​ർ​ദി​ച്ച​താ​യാ​ണ്​ കേ​സ്. എ​സ്.​ഐ​യു​ടെ ത​ല​ക്കും കൈ​കാ​ലു​ക​ൾ​ക്കും പ​രി​ക്കേ​റ്റു. പൊ​ലീ​സ്​ ഉ​ദ്യോ​ഗ​സ്ഥ​ന്‍റെ ജോ​ലി ത​ട​സ്സ​പ്പെ​ടു​ത്തി​യ​തി​നും മ​ർ​ദി​ച്ച​തി​നു​മാ​ണ്​ ​കേ​സെ​ടു​ത്ത​ത്.​

ശ​ക്തി​കു​ള​ങ്ങ​ര എ​സ്.​ഐ​മാ​രാ​യ വി​നോ​ദ്, സു​ദ​ർ​ശ​ന​ൻ, പ്ര​ദീ​പ്, എ.​എ​സ്.​ഐ ക്രി​സ്റ്റി, എ​സ്.​സി.​പി.​ഒ പ്ര​വീ​ൺ എ​ന്നി​വ​ര​ട​ങ്ങി​യ പൊ​ലീ​സ്​ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. പ്രതിയെ കോടതിയിൽ ഹാജരാക്കി.