ക​ളി​പ്പാ​ട്ട ക​ച്ച​വ​ടത്തിന്റെ മറവിൽ കഞ്ചാവ് വിൽപന: യുവാവിനെതിരെ കേസ്

പ​ത്ത​നം​തി​ട്ട: ക​ളി​പ്പാ​ട്ട ക​ച്ച​വ​ടം ന​ട​ത്തു​ന്ന യു​വാ​വ്​ താ​മ​സി​ക്കു​ന്ന പ​ത്ത​നം​തി​ട്ട വ​ല​ഞ്ചു​ഴി​യി​ലെ വാ​ട​ക​വീ​ട്ടി​ൽ​നി​ന്ന്​ 2.450 കി​ലോ ക​ഞ്ചാ​വ്​ പി​ടി​ച്ചെടുത്തു. സം​ഭ​വ​ത്തി​ൽ വ​ല​ഞ്ചു​ഴി സ്വ​​​ദേ​ശി തൈ​ക്കൂ​ട്ട​ത്തി​ൽ ന​സീ​ബി​നെ​തി​രെ (30) എ​ക്സൈ​സ്​ കേ​സെ​ടു​ത്തു.

തി​ങ്ക​ളാ​ഴ്ച രാ​ത്രി 8.30-ന്​​ ​പ​ത്ത​നം​തി​ട്ട എ​ക്സൈ​സ് സ്പെ​ഷ​ൽ സ്ക്വാ​ഡ് ന​ട​ത്തി​യ പ​രി​ശോ​ധ​ന​യി​ലാ​ണ്​ കി​ട​പ്പു​മു​റി​യി​ലെ അ​ല​മാ​ര​യി​ൽ ​നി​ന്ന്​ മൂ​ന്ന്​​ പൊ​തി​ക​ളി​ലാ​യി ക​ഞ്ചാ​വ്​ ​ക​ണ്ടെ​ടു​ത്ത​ത്. ന​സീ​ബി​ന്‍റെ വീ​ട്ടി​ൽ ക​ഞ്ചാ​വ്‌ സൂ​ക്ഷി​ച്ചി​രി​ക്കു​ന്നെ​ന്ന ര​ഹ​സ്യ വി​വ​രം ല​ഭി​ച്ചതിന്റെ അടിസ്ഥാനത്തിലായിരുന്നു പരിശോധന.

Read Also : നവകേരള സദസ്; പിണറായി സർക്കാരിന് തിരിച്ചടി, സ്കൂൾ ബസ് വിട്ടുകൊടുക്കണമെന്ന ഉത്തരവിന് ഹൈക്കോടതിയുടെ സ്റ്റേ

ഉ​ത്സ​വ​പ്പ​റ​മ്പു​ക​ളി​ൽ ക​ളി​പ്പാ​ട്ട ക​ച്ച​വ​ടം ന​ട​ത്തു​ന്ന​തി​ന്‍റെ മ​റ​വി​ലാ​ണ് ക​ഞ്ചാ​വ്​ വി​ൽ​പ​ന. പ​രി​ശോ​ധ​ന സ​മ​യ​ത്ത്​ ഇ​യാ​ൾ വീ​ട്ടി​ൽ ഉ​ണ്ടാ​യി​രു​ന്നി​ല്ല. ഇ​യാ​ൾ​ക്കെ​തി​രെ പീ​രു​മേ​ട്ടി​ലും സ​മാ​ന കേ​സു​ണ്ട്.

സ്പെ​ഷ​ൽ സ്ക്വ​ഡ് സി.​ഐ എ. ​സെ​ബാ​സ്റ്റ്യ​ൻ, പ്രി​വ​ന്റി​വ് ഓ​ഫീ​സ​ർ ഫി​റോ​സ് ഇ​സ്മ​യി​ൽ, സി​വി​ൽ ഓ​ഫീസ​ർ​മാ​രാ​യ റി​യാ​സ്, അ​ഭി​ജി​ത്, രാ​ഹു​ൽ ഷൈ​ലേ​ന്ദ്ര​ൻ എ​ന്നി​വ​ര​ട​ങ്ങി​യ സം​ഘ​മാ​ണ്​ ക​ഞ്ചാ​വ്​ ക​ണ്ടെ​ടു​ത്ത​ത്.