എഴുപുന്ന: ഒമ്പത് വയസ്സുകാരിയെ ലൈംഗിക അതിക്രമത്തിന് ഇരയാക്കിയ കേസിൽ യുവാവിന് ആറുവർഷം കഠിനതടവും ഒരു ലക്ഷം രൂപ പിഴയും ശിക്ഷ വിധിച്ച് കോടതി. എഴുപുന്ന പഞ്ചായത്ത് പത്താം വാർഡിൽ കാക്കത്തുരുത്ത് താമരപ്പിള്ളി കോളനിയിൽ സത്യനെ(44)യാണ് കോടതി ശിക്ഷിച്ചത്. ചേർത്തല അതിവേഗ പോക്സോ കോടതിയാണ് ശിക്ഷ വിധിച്ചത്.
2022 ഫെബ്രുവരി 10-നാണ് കേസിനാസ്പദമായ സംഭവം. അരൂർ സ്റ്റേഷനിൽ രജിസ്റ്റർ ചെയ്ത കേസ് സി.ഐ പി.എസ്. സുബ്രഹ്മണ്യൻ, എസ്.ഐമാരായ എസ്. സണ്ണി, ജി. ശ്യാം, ശ്രീദേവി, സി.പി.ഒമാരായ വിജേഷ്, ജോമോൻ, പ്രവീൺ വനിത പൊലീസ് ഉദ്യോഗസ്ഥ ഉഷ, ബിനു മോൾ എന്നിവർ ചേർന്നാണ് അന്വേഷണം നടത്തിയത്.
പ്രോസിക്യൂഷനു വേണ്ടി അഡ്വക്കറ്റ് ബീന ഹാജരായി.
Post Your Comments